Shoddo 18:29 - Kafa Linguistics Project

²⁹ Taach ne immaabeeti giidoona ta etteenaꞌon yiikkeho; ta Nuggishoochi gaachoona katemee xaqqee uxeroon cappheho.

Shoddo 18:29 ပူးပေါင်းရင်းမြစ်များ

2 Saameeli 22:30

Taach ne immaabeeti giidoona, ta etteenaꞌon yookko; ta Nuggishoochi gaachoona katemee xaqqee uxeroon cappheho.

2 Saameeli 5:25

Daawitiyoo Doono Yeeri gettitoommon tuniihe; Filsixeemeenaꞌon Geebee tiijjii Gezeer beddaahaa yookkii dabbiꞌi kochiye.

Iyoobi 29:3

Arooba, Yeeri bi ceechoon ta toommooch aaxxii beetone; tawoo manderoon bi bekkoona shaꞌaabee echeto taane.

Shoddo 144:1

Ginoon ta koyemmoyich ta kishoon, koyoon ta koyemmoyich ta mochoon dojjiti, ta Deebe Xaqqo Doono Yeeri galleteebe!

Shoddo 144:10

Ne, taateenaꞌoyich wudoon immehine; ne guuno Daawitin gonde goraadoochee wodiihine.

Shoddo 27:1

Doono Yeeri taach bekkoonaa taan wodiyechonane; ta shattemmo koniniye? Doono Yeeri ta kasheyich deeboone; taan keqqichemmo konine?

1 Qorontoosi 15:10

Tunebaani and ta tuneton tunooch taan bechito Yeerichi wojjoone; Yeeri taach bi immiti wojjoo duubo toonoone. Ebich bare mishiraachechinaꞌo bulliyee beshoon aajjaabee shuuneto taane; tunebaani aajjiꞌi shuuneto, taanna tookkii beeti Yeerichi wojjoani, ta toono taane.

Qolaasiyaasi 2:15

Hini are masqalee toommoochaa Kiristoosi gondoochi iraasheenaꞌonaa ukkireenaꞌonon kochii wochiꞌi, boonoshi giidoon shootona bulli aafooch cooqqireetinaꞌon tuniihe.

Yaaꞌoo 3:21

“Ta wotta gondoochi giidoon kochaa ta wochoommon, ta Nihoona tookkiinoo bi taatee qeenooch ta kotoommon, ebiyoommon gondoochi giidoon kochii wochiton taanna tookki ta taatee qeenooch kotiyemmo taane.

1 Saameeli 17:49

Bi kolloochee ikke xaqqeen kichii xeppellooch geddiꞌi awuree, are Filsixeemoochi barooch yexxiye. Xaqqoo bi baroon hottiꞌi giyiye. Biyoo baroona showooch guufehe.

1 Saameeli 23:2

Ebich Daawiti “Filsixeemeenaꞌon hamiree koyota?” iꞌi Doono Yeer waan corootiye. Doono Yeeriyoo, “Eeha, hami Filsixeemeenaꞌon koyiree, Qeꞌilin wodiibe” iye.

1 Saameeli 30:8

Daawitiyoo “Ebi bokkeenaꞌon yoohi dabbibota? Dabbiree boonoshin yechehote?” iꞌi Doono Yeer waan corootiye. Doono Yeeriyoo “Yoohi dabbibe; boonoshin yeshiree keccetinaꞌon wochemmo neene” iye.