Shoddo 18:14 - Kafa Linguistics Project

¹⁴ Bi shangeenaꞌon awureꞌi bi etteenaꞌon shacciye; phaqqoo phaqqemmoyich tuniiꞌi, boonoshin shaccii aalliihe.

Shoddo 18:14 ပူးပေါင်းရင်းမြစ်များ

Iyoobi 37:4

Aroochee bi qaaro ciddiye; shattiibeeti bi qaaro gigehe; bi qaaro gigee beegaata, phaqqiibeeti phaqqoon bayaache.

Iyoobi 37:5

Yeeri waayoyich worganikkiti bi qaaroona gigee beetone; biyoo shalligii yeshon no hakkaani giidechi mooyon tunii beetone.

Iyoobi 38:35

Xeeyo xeejjemmon ne tuniitaa hami wotteree, neech ‘Hini tawoche’ gettehe?

Iyoobi 6:4

Beshe Hakkechi Yeeri xuppattechi bi shangoona taan kochitone; ebi xuppatto ta achee daggooch shacetone; keqqichiti Yeerichi mooyon, yaaroona ta waan wochiꞌi neechitone.

Shoddo 144:6

Xeeyoon kindiiree etteenaꞌon shace; ne shangeenaꞌon awureree boonoshin daafiibe.

Shoddo 21:12

Maꞌoon boonoshi toommooch awureree, gubb wotteree boonoshi woccemmoyich, tuniyemmo neene.

Shoddo 29:3

Doono Yeerichi qaaro baharee toommoochaa waayeehe; oogechi Nuggishoo gigehe; Doono Yeeri ooge baharee toommoochaa gigehe.

Shoddo 29:7

Doono Yeerichi qaaro qaaqqee aaxxoommon aaxxehe.

Shoddo 77:17

Qubeenaꞌo amiyon dichiyeete; gumeenaꞌo xeejjii gigeheete; ne shangee xeeyeenaꞌo bulli xaaꞌoona phaqqiyeete.

Shoddo 77:18

Ne gigee qaaro yubee yongee daggoochaa waayeehe; ne xeeyo alemo bulliich phaqqiye; showoo shuuriye; qeweenoo iye.

Isiyaasi 30:30

Doono Yeeri ooge bi qaaroon waayiyemmone; aaxxeebeeti bi kaaroona, michiibeeti qaaqqee aaxxoona, yuboona, yattoona, muume baderoonoo kindiibeeti bi mochoo bekkemmone.

Yoꞌeeli 2:11

Bi ginee naayinaꞌo aafoochaa, Doono Yeeri gigeebee, bi qaaroon waayiihe; bi ginee naayo mattiquttoone; ebi bi getoon ceechii beetinaꞌo giidechinaꞌone. Doono Yeerichi aabo oogeton shattii giiriitone; ebi aaboochee wodemmo konine?

Imbaaqoomi 3:11

Awureebee kindiibeeti ne shangee conjoochee, wacciibeeti ne ginee aaxxoochee tiyitona, aabeenaa ageneena boonoshi beetooch neexee doojjiyeete.

Haddoo 24:8

“Boonoshin Gibitsee kichito, Yeerine. Boonoshi giidoo gaahee giidoommone. Boonoshi etteenaꞌo tuneti aageteenaꞌon aalliyemminaꞌone; boonoshi shaawushoon tiishi buriccemminaꞌone; shangoona boonoshin kochemminaꞌone.

Yibbaatoo 32:23

“ ‘Gonde mooyon ittoshi toommooch gutemmo taane; ta shangoon ittoshi toommooch awure ciichemmo taane.

Yibbaatoo 32:42

Ta shangeenaꞌo boonoshi damoona mashemmoyich tuniyemmo taane; ta goraado boonoshi meenon maayemmone. Keccetinaꞌo bullin wuxemmo taane; genje goferechi boonoshi qelloon kuxi bajjemmo taane’ iye.

Yaasi 10:10

Doono Yeeriyoo Amooree ginechinaꞌon Israꞌeeleenaꞌo aafoochee betiihe. Israꞌeeleenaꞌo Gibeꞌoonaa boonoshin wuxii ciichiyeete. Beet Horooni katemooch daammiibeeti, geppechi gommi deshee damboon yookkii dabbiyeete. Azeqinaa Maqidinooch beddaahaa, boonoshin yookkii dabbii wuxiyeete.

1 Saameeli 2:10

Doono Yeerin shixxii beetinaꞌo buricemminaꞌone; biyoo shimaayoochaa boonoshi toommooch gigemmone; Doono Yeeri showee toommo bulliich nallemmone. Bi taatiiti taatoyich giidoon immemmone; bi huuttiti taatoon giidechon tuniyemmone” iyan.