Shoddo 17:1 - Kafa Linguistics Project

¹ Doono Yeero, kaamittinoona giddeti ta corootoon waayebe; ta cookoonoo ellebe; marechi noonoochee keyaani ta corootoon ellebe.

Shoddo 17:1 ပူးပေါင်းရင်းမြစ်များ

2 Saameeli 22:24

Bi aafooch oonaallo taane; gondoon shuunoochee ta qelloon quyeto taane.

2 Kiinoo 7:15

And hini yaafee kexo waan ciinnemmo taane; hini xaaꞌoochaa corooteebeeti corootoonoo elle waayemmo taane.

Nehimi 1:6

ne guuno ta xumoonaa areddoonon, ne guuno tuneti Israꞌeeleenaꞌochon ne aafooch ta corootaabeeti corootoon elle waayebe; taanoo ciine. Israꞌeelee asho no, axaaxoon shuunoona neen no xuqqeti xuꞌoon aannaabeeto taane. Taannaa ta qaabbechinaꞌochi kechi asheenaꞌona neen xuqqeto noone.

Iyoobi 16:17

Tunebaani ta kishoo xalloone; Yeer waan ta corootaabeeto xalle mulloonane.

Shoddo 102:2

Ta xuuxee aabooba ne aafoon badd wochiyaahine; ne waamon ta waan gaꞌiibe. Ne waan ta cookiyooba, kaateree waayebe.

Shoddo 140:12

Doono Yeeri girechoyich nalliibeeto, xukketinaꞌoyichoo neexeebeeto, bi tunoon ariihoye.

Shoddo 142:1

Ta qaaroon oogichaa Doono Yeer waan cookihoye; ta qaaroon kichaa biin qollehoye.

Shoddo 142:6

Oogeton ta mullo bi qititoyich, ta cookoon waayebe; tayee beshii boonoshi sharitoyich ta etteenaꞌo kishoochee taan wodiibe.

Shoddo 143:1

Doono Yeero, ta corootoon waayebe; ta qolloon ellebe; ne gibeneyoona, ne cadiqittinoonoo ta qolloon waayebe.

Shoddo 145:18

Doono Yeeri, biin ceeggiibeeto bullich, iberoona biin ceeggii beetoyich, katinoone.

Shoddo 18:20

Ta cadiqittinoochee tiyitona, Doono Yeeri taach deꞌoon deehe; ta kishee xallittinoochee tiyitona, taach wochiꞌi qocciye.

Shoddo 18:44

Ashi showee asheenaꞌo waaꞌi, ta aafooch yittiyeete; ta gettaahaa, bekkech ta getoon waayeheete.

Shoddo 43:1

Yeero, taach nallibe; Yeerich qeyaani asheenaꞌona ta taggoon taggebe; dachechinaꞌonaa gonde asheenaꞌona waanee taan wodiibe.

Shoddo 5:2

Ta Taatoo, ta Nuggishoocho, ne waan ta corootaa beetoyich, ta cookee qaaroon waayebe.

Shoddo 54:4

Tunebaani Yeeri ta gaachoone; Doono ta kasheyich degoone.

Shoddo 55:18

Ta toommooch tiyii beetinaꞌo meettitaanona, boonoshina tookkaa ta koyaabeeti koyoochee, taan shiweree diggoona wochi deebemmone.

Shoddo 61:1

Yeero, ta cookoon ellebe; ta corootoon waayebe.

Shoddo 61:2

Gibenoon kuxxaa beechaa, wohi showoochaa ne waan cookiyoye; tayee damba beeti xaqqee guudooch, taan yaabibe.

Shoddo 66:19

Tunebaani iberoochaa Yeeri taachon waayetone; ta cookoon ellee waayetone.

Shoddo 7:8

Doono Yeeri macceenaꞌo toommooch nallemmone; Doono Yeero, ta cadiqittinoommona taach nallibe; ta xallittinoommona taach nallibe.

Shoddo 84:9

Yeero, no gaachoon tuneti no taatoo waan ciine; ne huutteton gaawe aafoona ciine.

Shoddo 86:1

Doono Yeero, girechonaa amaalli hulloona ta tunetoyich, ne waamon ta waan gaꞌiiree ta qolloon waayebe.

Shoddo 86:6

Doono Yeero, ta corootoon ellebe; ta cookaabeeti cookoon waayebe.

Shoddo 88:3

Oogeti iritoo taan yeshaa, qitooch beddeto taane.

Isiyaasi 29:13

Doono ishichii beetone: “Hini asheenaꞌo ‘Neecho noone’ iibee boonoshi noonoona taan oogii beetinaꞌone; tunebaani boonoshi mullo ta waanee oogeton wohone; taach boonoshi shattiibeeto asho dojjiti duube doyoommonane.

Erimiyaasi 3:10

Ebi bulli tunetaanoona koote bi manee Yihudi, kootoonalli bi ceeni mulloona ta waan wotteyaaneene” iye Doono Yeeri.

Yowannisi 1:47

Naatinaꞌeeli bi waan womon Yesuusi beeggiꞌi ishichiye: “Dawushoon ariyaani ibere Israꞌeelee asho hinine” iye.

1 Yowannisi 3:21

Ta shunechinaꞌote! No mullo noon ittibateyaano bi tunegaata, Yeer waan katinoyich kupphaabeeto noone.