Shoddo 16:5 - Kafa Linguistics Project

⁵ Doono Yeero, ta qoodee iristo, ta xoofoo neene; ta ixoo ne kishoochiye.

Shoddo 16:5 ပူးပေါင်းရင်းမြစ်များ

Shoddo 11:6

Gondeenaꞌo toommooch, qaaqqee bunoonaa waageroonon amiyochoommon dichemmone; gaame yongo boonoshi ixee qoodoo tunemmone.

Shoddo 116:13

Uyee buuroon giddiyemmo taane; Doono Yeerichi shigoon ceeggemmo taane.

Shoddo 119:57

Doono Yeero, ta qoodee iristo neene; ne qaaroon quyeya maacceto taane.

Shoddo 125:3

Cadiqeenaꞌo gondeenaꞌochi gommon boonoshi doyaachemmoyich, gondeenaꞌo cadiqeenaꞌo showooch ukkireyaachemminaꞌone.

Shoddo 132:11

Doono Yeeri shaddeyaani ibere wogoon Daawitich ishichiꞌi wogehe: “Ne hajjee bushoon ne taatee qeenooch kotiyemmo taane.

Shoddo 142:5

Doono Yeero, ne waan cookiyoye; “Ne, ta deebo neene; kashechinaꞌo beeti hini showoochaa ta qoodee iristo neene” iyoye.

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Shoddo 23:5

Ta etteenaꞌo aafoochaa taach madoon qanniihine; ta qellooch zayitoon huuttehine; ta xoofoo ceennii aphirehe.

Shoddo 73:26

Ta kashoonaa ta meenona niroon hakkiye; tunebaani Yeeri bulli yemeenoon ta hakkoonaa ta qoodoonane.

Shoddo 89:4

‘Ne yareenaꞌon bulli yemeenoon taatiyemmo taane; ne taatee qeenon shiijjeroo bulliich manjiyemmo taane’ iyoye” ito neene.

Shoddo 9:4

Ne, taatee qeenooch kotaachaa dayinnetoona nallihine; ta taggoon beeggaꞌa tachii nallihine.

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Isiyaasi 53:12

Bi kashoon qitooch beshiiꞌi bi immitoyich, gonde shuunechinaꞌona tookkii bi haddeetoyich, ogoogeenaꞌona tookki bi qoodoon qoodeyemmone; hakkechinaꞌona tookkishoo kecoon qoodeyemmone. Biyoo meetinaꞌochi axaaxoon shaaggiye; xuꞌechinaꞌoyichoo maaggehe.

Erimiyaasi 10:16

Tunebaani Yaaqobichi Nuggishoo boonoshiyoommo toonoone; aroo bulli mooyon hallitone; Israꞌeeliyoo biich bariti maccoone; bi shigoo Beshe Mawe Doono Yeerine.

Shoosho 3:24

Ta kashee, “Doono Yeeri ta qoodee iristo bi tunetoyich, biin gibenemmi taane” iyan.

Mishiraachechinaꞌo 2:32

Illa hini Yesuusin Yeeri qitoochee tiijjitone; no bulli ebi mooyoyich miixoo noone.

Mishiraachechinaꞌo 5:31

Biinoo Yeeri axaaxee gommoochee bi waan wottoonaa maaroonon Israꞌeeleenaꞌoyich bi immemmoyich, bullichi Shimboonaa Wodiyechonon tuniiꞌi bi qanne badd kotiitone.

Efesooni 5:18

Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.

Yibbaatoo 18:2

Boonoshi maneenaꞌo daggooch iristo boonoshich beetaachemmone. Boonoshich bi gettitoommon, boonoshi iristo Doono Yeerine.

Yibbaatoo 32:9

Tunebaani Israꞌeeli Doono Yeerichi hajjoone, Yaaqobiyoo bi hajjee iristoone.

Yaasi 22:25

Roobeelinaa Gaadinochi shiijjereenaꞌote, Doono Yeeri Yoordaanoosi aacon no gutte daggooch danoon tuniiꞌi bi gedditoyich, Doono Yeer waanee qoodoo ittoshich aalloone’ getona, ittoshi shiijjereenaꞌo no shiijjereenaꞌon Doono Yeerin boonoshi shataachemmon tuniyemminaꞌone, iyaꞌa no shattetoyichiye.

Yaasi 22:27

No, ebi deejjee gudoon no shuuneto, Doono Yeerichi yaafee duukkaanee aafoochaa biich goyinneebee, micciibeeti deejjoonaa bare deejjoonon, ebiyoommon ikkittinee deejjoon giddiibee no beemoyich, noonnaa ittoshina daggooch malletoo bi tunemmoyichiye; wotta gubbi no shiijjereenaꞌoyich miixoo bi tunemmoyichiye. Ebiyoo gubbi ittoshi shiijjereenaꞌo no shiijjereenaꞌon ‘Doono Yeer waanee qoodoo ittoshich aalloone’ geton boonoshi hakkaachemmoyichiye.