Shoddo 16:11 - Kafa Linguistics Project

¹¹ Kashee gommon taach bekkiyemmo neene; ne aafooch ceeni emiroo, ne qannoochoo bulli yemeenee emiroo beetone.

Shoddo 16:11 ပူးပေါင်းရင်းမြစ်များ

Shoddo 139:24

Ta maacooch gondo beegaata beege; bulli aabee gommona taan yaabibe.

Shoddo 17:15

Tunebaani ta, cadiqittinoona ne aafoon beeggemmo taane; tiyi qaalliree, ne oogee yiiroon beegi michemmo taane.

Shoddo 4:8

Doono Yeero, diggoona ta beeyemmoyich tuniyaabeeto ne baach tunetoyich, ta qeyaa beegaata, diggoona tokketemmo taane.

Shoddo 68:4

Yeerich shoddebote; galletee shoddoon bi shigoyich shoddebote; qubee toommona hammii beetoyich, gommon qanniibote; bi shigo Doono Yeerine; bi aafoochaa emiribote.

Shaahiyoo 12:28

Cadiqittinee gommooch kasho beetone; are gommooch qitoo aalloone.

Shaahiyoo 2:19

bi waan hammiibeeto bulli wotteyaachemmone; kashee gommonoo daneyaachemmone.

Shaahiyoo 4:18

Cadiqeenaꞌochi gommo areddee aabo bekkemmi wottoon, daakkii daakkii hammiibeeti yaaꞌeexi bekkoommone.

Shaahiyoo 5:6

Kashee gommon aaxxiyaaneene; bi gommo xummoone; tunebaani ebi biich aricheyaanoone.

Isiyaasi 2:3

Meeti asheenaꞌo waaree ishichemminaꞌone: “Sheeroo Tsiyoonee, Doono Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Maatiyoosi 25:33

Bageenaꞌon bi qanne badd, emmisheenaꞌon bi yooche badd neechemmone.

Maatiyoosi 25:46

“Boonoshiyoo bulli yemeenee shiwerooch, cadiqeenaꞌo wotta shimaajji taatittineech giyiree bulli yemeenoon beeyemminaꞌone” iye.

Maatiyoosi 5:8

Mulli xalleenaꞌo diireetinaꞌone; Yeerin boonoshi aafoona beeggemminaꞌone.

Maatiyoosi 7:14

Tunetaa bulli yemeenee kashooch bechiibeeti kello xebboo, gommoo geppoone. Are gommon danee beetinaꞌo giishecheenaꞌone” iye.

Maariqoosi 16:19

Doono Yesuusi ishin bi dabbeenaꞌoyich bi gettitoyee gubb, shimaajj kechiꞌi Yeerichi qannooch kotehe.

Mishiraachechinaꞌo 2:28

Kashee gommon taach bekkiito neene; neenna tookki ta tunehooba, oogichi taan emirikkemmo neene’ itone.

Mishiraachechinaꞌo 7:56

Aroochee “Ebiyoche, shimaayoo qecheeꞌi Ashi Bushoo Yeerichi qanne badd neexeebeeto taach bekkeebeete” iye.

Roomi 8:11

Ebiyoommon wotta Yesuusin qitoochee tiijjiti Yeeri immiibeeti bi Ayaano ittoshi mullooch bi beegaata, Kiristoos Yesuusin qitoochee tiijjito, ittoshi mullooch beeti bi Ayaanoona qitemmi ittoshi ashittinoyich wotta kashoon immemmone.

1 Qorontoosi 13:12

Hanaach Yeerin no ciinnaabeeto, dooshireti heeraawoochaa no malletoon no ciinoommoniye; tunebaani arooba biin no aafoona xallayi beeggemmo noone. And Yeerin woddiiꞌa ariyaano taane; tunebaani arooba Yeeri taan bi arii beetoommon, tawoo biin ariyemmo taane.

2 Qorontoosi 4:17

Hini andich baach beeti kette iritoo ebine getteyaani beshaa beshe oogeto tuneti bulli yemeenee oogee yiiroon nooch daniyemmone.

Efesooni 3:19

Wotta ariyoyee beshiti Kiristoosichi shunoon ittoshi ariyemmoyich, ebina Yeerin ciroona shaahoyich ittoshi beddemmoyich corootaabeeto taane.

1 Pheexiroosi 3:22

Yesuus Kiristoosiyoo damba shimaayooch kechiꞌi Yeerichi qanne badd beetone; arooch beeti maraakeenaꞌo, shimaayeexi ukkireenaꞌonaa giidechinaꞌo bullina biich hajjee beetinaꞌone.

1 Yowannisi 3:2

Ta shunechinaꞌote! And Yeerichi bushiishoo noone; gubbich amo no tunemmo gaata batt aricheyaanoone. Tunebaani Kiristoosi waataa xiishi ciinnemmo no tunetoyich, biin shaahemmo no tunoon ariibeeto noone.

Yihudi 1:24

Giinnii dihoochee ittoshin quyebee, bachaallo tuniiree bi oogee yiiree aafooch oogeti emiroona ittoshin neechoon hakkiibeeti,

Yaaꞌoo 22:5

Ebiyee bekk xumo beetaachemmone; Doono Yeeriyoo boonoshich bekko tunemmone; ebich ceechee bekkoonaa aabee aaxxoona boonoshich qaawiyaachemmone; bulli yemeenoon taatemminaꞌone.