Shoddo 16:10 - Kafa Linguistics Project

¹⁰ Taan maash qayaachemmo neene; gibeneeti ne guuno taan oppooch daachiyaachemmo neene.

Shoddo 16:10 ပူးပေါင်းရင်းမြစ်များ

Iyoobi 11:8

Shimaayoyee beshe wohone; illa amoon halloo hakkenne? Dechi bi ducho, Siꞌooloyee wohone; ne amoon ariinne?

Shoddo 139:8

Shimaajj ta kechetaa ne arooch beetine; maash ta hammetaa ne arooch beetine.

Shoddo 49:15

Tunebaani Yeeri ta kasheen qitee kishoochee shiweree, bi waan daammemmone.

Shoddo 9:17

Gondeenaꞌo maash hammemminaꞌone; Yeerin batteebeeti aageteenaꞌo arooch hammemminaꞌone.

Shaahiyoo 15:11

Siꞌooloonaa aallee xaaꞌoona Doono Yeeri aafooch bekkeebeeto bi tunegaata, ashi bushiisheenaꞌo mullo am shaahoon bekkehe!

Shaahiyoo 27:20

Siꞌooloonaa aallee xaaꞌoona miyi qayoommon, ashi qaatoo ebiyoommone.

Isiyaasi 14:9

“Ne waataa, neenna daneya maasho shuuriye; showee iraasheenaꞌo tuneebee echetinaꞌo bulli neenna daneya shuuriyeete; aagetee taateenaꞌo tuneebee echetinaꞌo bulliyoo boonoshi taatee qeenoochee tiyiyeete.

Isiyaasi 5:14

Ebich maasho bi maacoon gamichii, haawutteꞌi boonoshin quyee beetone; Yerusaalemi ogoogeenaꞌonaa sharaareenaꞌonon aroochaa dullii cangechee beetinaꞌona tookki qooxxemmone.

Daaneeli 9:24

“Xuꞌee shuunoon neechoyich, axaaxee shuunoon bayoyich, gonde shuunoon maariyoyich, bulli yemeenee cadiqoonoo deeboyich, yaaꞌoonaa keemoonon hiconaa yaafee kexon huutonoyich, ne asheenaꞌonaa ne yaafe katemeenoyich shabe kaallee shabaatte naton Yeeri maaccitone.

Leweenaꞌo 19:28

Qititi ashich ittoshi qeddoon gari qoccaahote. “ ‘Gaakkoon kochoommon ittoshi achoon kocheyaahote. Ta, Doono Yeeri taane.

Amootsi 9:2

Showoon iijjiꞌi maash boonoshi hami gaatoona, aroochee boonoshin shotte kichemmo taane. Shimaajj boonoshi keyi gaatoona aroochee boonoshin kindiyemmo taane.

Haddoo 6:6

Doono Yeerich bi qelloon bariiꞌi bi beeti aabo bulliich dubenee achooch shaggaaye.

Luqaasi 1:35

Wotta hini are maraakoo wochiꞌi ishichiye: “Yaafe Ayaano ne toommooch woyemmone; Beshoo Yeerichi giidoo ne toommooch yiiremmone; ebich wotta ne shiyemmi bushoo yaafoo getteyemmone; ‘Yeerichi Bushoo’ getteyemmone.

Luqaasi 16:23

Siꞌooloochaa oogichiꞌi xuuxeebee, bi aafoon kaachiꞌi wohooch beeti Abrahamin ciinniye; bi sheenoochoo Alazaari beemon beeggiye.

Luqaasi 4:34

“Woowo! Naazireetechi Yesuuso, no mooyooch neen amo geddiye? Noon goochiiya waanne? Koni ne gaata ariyaabeeto taane; Yeerichi Yaafoo neene” iye.

1 Qorontoosi 15:42

Qititinaꞌo tiyiyooba ebiyoommo tunemmone. Showooch duukkeebeeto oqqemmi ashittinoone; bi duukketoochee tiyemmo oꞌaachemmi ashittinoone.

Yibbaatoo 32:22

Ta kaaro qaaqqoochoommon aaxxemmone; Siꞌoolooch beddaahaa michemmone; showoonaa bi toommooch beeti goyo bullinon michemmone; geppee gaadoon michi aalliyemmone.

Yaaꞌoo 1:18

Beeyecho taane; qitito taane, tunebaani ebiyoche and bulli yemeenoon beeyecho taane; qitoonaa Siꞌooloonon qechiibeeti qulfo taach beetone.

Yaaꞌoo 20:13

Baharo bi daggooch beeti qititinaꞌon aapphiye; qitoonaa Siꞌooloona boonoshi waan beeti qititinaꞌon aapphiyeete; aroochee bi ikkikkoyich bi shuuni shuunoommona bi toommooch nalleehe.