Shoddo 150:3 - Kafa Linguistics Project

³ Shametee qaaroona biin galletebote; ooge ximboonaa masinqoona biin galletebote.

Shoddo 150:3 ပူးပေါင်းရင်းမြစ်များ

2 Saameeli 6:15

Ebiyoommi gommona Daawitinaa Israꞌeeleenaꞌona emirii ililiibee, tiroon huggiibeenoo, Doono Yeerichi taabootoon Yerusaalem deebiyeete.

2 Saameeli 6:5

Daawitinaa Israꞌeeleenaꞌo bullina boonoshi giidoon qoophaanoon, Doono Yeerin oogiyoyich, giishi ximboon, ooge ximboon, kamboon, bare duubbi qiicoonaa qaaxilloonon yexxii kaachiibee, shoddee beeheete.

1 Kiinoo 15:20

Zakaariyaasi, Azeli, Shemiramooti, Yehiꞌeeli, Uuni, Eliyaabi, Maseyaahinaa Beenayina ooge qaarechi ximboon yexxii kaachii beeheete.

1 Kiinoo 15:24

Qeesheenaꞌo tuneti Shebaniyi, Yoshafeexi, Netaaneli, Amasayi, Zakaariyaasi, Beenayinaa Elezeerina Yeerichi taabootee aafoochaa tiroon huggii beeheete. Obeed Edoominaa Yehiyahinoo wotta taabootee kechi kelloon quyechinaꞌone.

1 Kiinoo 15:28

Ebiyoommi gommona Israꞌeeleenaꞌo bulli emirii ililiibee, tiroonaa shametoonon huggiibee, qaaxilloon, giishi ximboonaa ooge ximboonon yexxii kaachiibee, Doono Yeerichi taabootoon Yerusaalem deebiyeete.

1 Kiinoo 16:42

Hemaaninaa Yedutuunina shumbureenaꞌochi, qaaxilleenaꞌonaa galletee shoddee beegaata kaacheebeeti shoddee qiiceenaꞌonochi toommooch ukkireheete. Yedutuuni bushiisheenaꞌoo kellechinaꞌo tuneheete.

1 Kiinoo 25:1

Daawitinaa bi ginee iraasheenaꞌona giishi ximboona, ooge ximboonaa qaaxilloona degeebee keemoon keemmemminaꞌon Asaafichi, Hemaaninaa Yedutuuninochi yaroochee kaacciꞌi shuunoon yechiiheete. Ebi maddoon maddemmi asheenaꞌochi shigo:

2 Kiinoo 20:28

Ooge ximboona, giishi ximboona, tiroona Yerusaalem beeti, Doono Yeerichi yaafee kexooch qaxiriyeete.

2 Kiinoo 5:13

Tiroon huggii beetinaꞌonaa shoddechinaꞌona Doono Yeerin galletee oogiibee: “Deꞌo bi tunetoyich, bulli yemeenoon shoodecho bi tunetoyich, Doono Yeerin galletebote” iibee ikke kashoona qaaroon oogichiꞌi, tiroona, qaaxilloonaa shoddee qiico bullina Doono Yeerin galleteheete. Boonoshi galletemmona, qubo Doono Yeerichi yaafee kexooch ceenniye.

Shoddo 108:2

Ooge ta ximboonaa masinqoonote, tibote! Tawoo yaaꞌoona tiyemmo taane.

Shoddo 149:3

Duuttoona bi shigoon galletebeete; kamboonaa ooge ximboona biin galletebeete.

Shoddo 33:2

Doono Yeerin masinqoona galletebote; aashire qiinechi ooge ximboona biich shoddebote.

Shoddo 92:3

Aashire maqqechi ooge ximboonaa masinqee qaaroona neen galleto gaawetone.

Daaneeli 3:5

‘Xurumbee qaaroon, tiimbe qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon ittoshi waayegaata, ta neechiti, aachoochee shuuneeti misiloyich baroona guuferee goyinnebote!

Haddoo 10:10

Wotta ittoshi emiree aabooba, ittoshi baari baarooba, agenee keyi baarooba, micciibeeti deejjoonaa ikkittinee deejjoonon ittoshi giddiihooba tiroon hugote. Eboshiyoo Doono Yeeri ta aafoochaa ittoshi shalligeyemmoyich tuniyemminaꞌone; ta, ittoshi Nuggishoo Doono Yeeri taane” iye.