Shoddo 149:3 - Kafa Linguistics Project

³ Duuttoona bi shigoon galletebeete; kamboonaa ooge ximboona biin galletebeete.

Shoddo 149:3 ပူးပေါင်းရင်းမြစ်များ

2 Saameeli 6:14

Daawitiyoo muttee tuppoochee shippeti efoodoon gitee desh marixxiꞌi, bi giidoon qoophaanoon Doono Yeeri aafooch capphii beehe.

2 Saameeli 6:16

Doono Yeerichi taabooto Daawiti Katemooch giyii bi beetaa, Saaꞌooli bushee Mikaali mallee kelloona ciinnaa beehan. Taatoo Daawiti taabootee aafooch capphii duubbii bi beetaa beeggaꞌa, bi mulloona biin hoxahan.

1 Kiinoo 16:42

Hemaaninaa Yedutuunina shumbureenaꞌochi, qaaxilleenaꞌonaa galletee shoddee beegaata kaacheebeeti shoddee qiiceenaꞌonochi toommooch ukkireheete. Yedutuuni bushiisheenaꞌoo kellechinaꞌo tuneheete.

1 Kiinoo 25:6

Eboshi bulli, boonoshi nihoo kishooch tuneꞌi, Doono Yeerichi yaafee kexooch qaaxilloona, giishi ximboonaa ooge ximboona shoddeebee Yeerichi yaafee kexoochaa maddee beeheete. Asaafi, Yedutuuninaa Hemaanina beeto taatoo kishoochiye.

2 Kiinoo 20:28

Ooge ximboona, giishi ximboona, tiroona Yerusaalem beeti, Doono Yeerichi yaafee kexooch qaxiriyeete.

2 Kiinoo 29:25

Taatoo Hiziqiyaasi, Daawitichi qociyoommon, yaaꞌechi Gaadinaa keemechi Naataaninochi qociyoommonoo, Leweenaꞌoyich qaaxilloon, ooge ximboonaa giishi ximboonon yechiiꞌi, Doono Yeerichi yaafee kexooch neechiye. Ebiyoo keemechinaꞌona Doono Yeer waanee icheti getoone.

Iziri 3:10

Gimbeyneenaꞌo Doono Yeerichi yaafee kechi dechi xaqqoon batt boonoshi heccaahaa, qeesheenaꞌo yaafee kechi maddee tahoon tahee, tiroon (waaringoon) yechiꞌi, wotta Asaafi shiijjeroo tuneti Leweenaꞌo qaaxilloon yechiꞌi, Israꞌeelee taatoo Daawitichi getoommon, Doono Yeerin galletoyich neexeheete.

Shoddo 30:11

Ne, ta eefon emiree duuttoona shaddihine; ta dookoon shoottaꞌa emiroon taach tajjihine.

Shoddo 33:2

Doono Yeerin masinqoona galletebote; aashire qiinechi ooge ximboona biich shoddebote.

Shoddo 81:2

Shoddoon yagote; kamboon yexote; ooge ximboona, masinqoonoo gaawe qaaroon waayiibote.

Shoddo 81:3

Batti batti agenee keyooba, no baaree aabooba, ceeni agenee bekkehooboo, shametoon hugote.

Shoddo 87:7

Duubbechinaꞌonaa duuttechinaꞌona “Nooch aachi xuupho bulli xuupphiibeeto Tsiyooneeniye” gettemminaꞌone.

Keyo 15:20

Aroochee Haroonichi qaabbe manee keemechi Miiriyami kamboon yechahan; maacheenaꞌo bulliyoo kamboon yexxii capheebee biin dabbiyeete.

Erimiyaasi 31:13

Aroochee gidiideenaꞌo emiroona duuttemminaꞌone; gurimaasheenaꞌo, geeneenaꞌoo boonoshichoommon emiremminaꞌone; boonoshi eefon emirooch wochemmo taane; boonoshin goggiyemmo taane; boonoshi ayinoon emiroona shaddemmo taane.

Erimiyaasi 31:4

Gidiideyoommi Israꞌeele, neen wochi haggemmo taane; newoo wotte hakkemmi neene; ne kamboon yeshiree shoddechinaꞌona tookki emiroona duuttemmi neene.

Woraaferasheenaꞌo 11:34

Aroochee Yofitaahi Mitsiphi katemooch beeti bi kexooch wottehe; bi busheyoo kamboon yexxaa, duubbaa capphaabee biinna daneya kechahan. Ebi bushee biich ikke mixxe busheene; biyee besh maachee tunebu anaamo ciroona biich aalloone.