Shoddo 148:8 - Kafa Linguistics Project

⁸ Qaaqqoonaa baderoona, kechoonaa quboona, bi getoon ceechiibeeti giidechi yongoo,

Shoddo 148:8 ပူးပေါင်းရင်းမြစ်များ

Halloo 19:24

Arooba Doono Yeeri waageroo micciibeeti qaaqqoon shimaayoochee Sodoominaa Gomoorinochi toommooch amichittinoon dichiye.

Iyoobi 37:12

Ebi qubeenaꞌo, Yeeri gettiton ceechoyich, bi daaggoona showee toommo bulliich guuddii beetinaꞌone.

Shoddo 103:20

Bi qaaroonoo ceechiibeeti, bi gettii beeton waayaabeeti, hakkechi maraakeenaꞌote, Doono Yeerin diiribote.

Shoddo 18:12

Bi aafooch beeti bekkoochee, baderoonaa qaaqqee bunoona quboon gaakkiꞌi aaxxee kechiye.

Keyo 10:13

Ebich Muusi Gibitsee showee toommooch bi kishoon yaggiye. Doono Yeeriyoo aroobee areddoonaa aroobee xumo bullinon, Gibitsee showooch aabi-keyo waanee yongoon yongiihe; ebi yongo gecheenaꞌon deebiye. Bi dechara gecheenaꞌo showooch ceenniyeete.

Keyo 10:19

Aroochee Doono Yeeri aabi-keyo waanee yongeebeeti yongoon wochiꞌi, giidechi yongoon tuneree aabi-gimo waanee bi yongemmoyich bi tuniitaa, gecheenaꞌon hidii Ceelle baharooch duppiye. Ebina Gibitsee showooch amee xaaꞌoochona echeti gechoo aalloone.

Keyo 14:21

Muusiyoo bi kishoon baharee toommooch yaggiye. Doono Yeeriyoo aabi-keyo waanee yongeebeeti, giidechi yongoon deebiꞌi, xumo bullin baharoon gubb wochiye; baharoon gutte beera qoodiꞌi, shuuꞌi showoon tuniihe.

Isiyaasi 66:16

Meeno taheto bulli toommooch Doono Yeeri qaaqqoona, goraadoonoo nallemmone; Doono Yeeri meeti asheenaꞌon wuxemmone” itone.

Yoꞌeeli 2:30

“Worganikkiti mooyon shimaayoochaa, showoochaanoo bekkiyemmo taane; damoonaa qaaqqoona, cufee duulloo tunemmone.

Leweenaꞌo 10:2

Bekkech qaaqqoo Doono Yeer waanee kindiꞌi boonoshin michii wuxiye. Boonoshiyoo Doono Yeeri aafoochaa qitiyeete.

Amootsi 4:13

Guudinaꞌon shuuneto, yongoon hallito, bi gaboo amo gaata ashich arichiibeeto, hariton xumiibeeto, showee toommeexi tukki xaaꞌoona shaꞌeebeeto, bi shigoo, Beshe Mawe Nuggishoo Doono Yeerine.

Amootsi 7:4

Nuggishoo Doono Yeeri bare yaaꞌoon taach bekkiihe. Biyoo ashi toommooch qaaqqoon kindiyoona nalloyich qanniye. Qaaqqoo baharoon napphee ciichiꞌi, showoon michiye.

Yoonaasi 1:4

Doono Yeeriyoo baharee toommooch giidechi yongoon deejjiye; giidechi aachi aayo baharee toommooch tiyiye; markaboo tiisheya beddiye.

Yoonaasi 1:5

Markabechinaꞌo oogeton shattiyeete; asho bi qelli qelloona bi nuggishi nuggishoo biin bi gaachemmoyich cookiye. Markabo kettemmoyich, bi maacooch beeti qiicoon baharooch kichii duppiyeete. Areegaata, Yoonaasi markabee dechiich beeti gatooch kindiꞌi tokketetone; magge tokketoo biin daammitone.

Haddoo 16:35

Qaaqqoo Doono Yeer waanee kindiꞌi, ixaanoon shookkiibeeti gutte ballaa aache asheenaꞌon maahe.

Yaasi 10:11

Israꞌeeleenaꞌo aafoochee boonoshi wocee beetaa, Beet Horooni katemoochee Azeqi dugillooch daammiibeeti, geppechi gommoochaa Doono Yeeri xaqqoommi giidechi baderoon shimaayoochee boonoshi toommooch kindiihe; boonoshiyoo qitiyeete. Israꞌeeleenaꞌo goraadoona wuxitinaꞌoyee baderoo wuxitinaꞌo besheenaꞌone.

Yaaꞌoo 16:21

Ikke baderoo baach aabbaa uuche kiilo giraamo tuneti ogooge baderoo asheenaꞌo toommooch shimaayoochee kindiye; ebi shaahe shattiiti ooge baderee naxoon boonoshi toommooch bi kindiitoyich, asheenaꞌo Yeerin naaggiyeete.