Shoddo 148:7 - Kafa Linguistics Project

⁷ Bahareexi halleenaꞌonaa ceeni aacinaꞌonote, ittoshi bulli showoochaa Doono Yeerin galletebote.

Shoddo 148:7 ပူးပေါင်းရင်းမြစ်များ

Halloo 1:21

Baharee daggooch daneebeeti ogooge halleenaꞌonaa aachi daggooch meettiꞌi daneebeeti, shuuriibeeti kashechi halleenaꞌo bullinon boonoshi shaahi shaahoona, wotta shimaayoona yoobbiibeeti yoobbereenaꞌo bullin boonoshi shaahi shaahoona halliye. Yeeri ebi gaaweto bi tunoon ciinniꞌi emiriye.

1 Taateenaꞌo 13:28

Aroochee hammiꞌi, gommooch yacheeꞌi beeti dubenoon, wotta kuroonaa daaheroona dubenee gaꞌooch neexeꞌi beetinaꞌon danehe. Daaheroo dubenoon maataanoone; kuroonoo tiishaanoone.

Shoddo 104:24

Doono Yeero, ne shuunoo am shaahe woddoone! Bullin ne ariyoona shuuneto neene; ne halliti mooyo showoona ceennitone.

Isiyaasi 27:1

Arooba Doono Yeeri qingireebee awureebeeti Lewataanin, caaceebeeti dingeroon, manje ooge kupphe bi goraadoona kuxxemmone; baharee daggooch beeti dareboon wuxemmone.

Isiyaasi 43:20

Kaacheti ta asheenaꞌo uchemmoyich aacon barahoochaa, woce aacon shuuꞌi showoochaa ta immetoyich kubbi cooxinaꞌo taan oogiyemminaꞌone; boqqelleenaꞌonaa shaakkeenaꞌonoo taan galletemminaꞌone.