5 No Doono oogoone; oogeti giidechone; bi ariyoyich daaro aalloone.
Doono Yeeri oogoone; oogichiꞌi galleteetone; nuggisheenaꞌo bulliyee beshoon shatteetone.
“Yeeri giidechone; koninolla hoxeyaache; biyoo mullee shalligoona kupphoone.
Doono Yeeri oogoo bi tunoon, no Doono nuggisheenaꞌo bulliyee besho bi tunoon, ariihoye.
Doono Yeeri oogoone; biin oogichii galleto tatoone; bi oogittino shalligoyee damboone.
Ta Nuggishoo Doono Yeero, nooch ne tuniiti worganikkiti mooyo woddoone; neenoommo koniyoona aalloone; nooch gaawe mooyon gabito neene; aroon “Awaajji yibbaatebane” ta itaanona haddaa ciyaani woddoone.
Doono Yeeri oogoone; no Nuggishoochi katemoochaa yaafeeti bi guudoochaa ooge galleto biich giddo tatoone.
Doono Yeeri Tsiyoonaa oogoone; macceenaꞌo bulli toommooch oogetone.
Ariyaano neene? Waayeyaano neene? Doono Yeeri bulli yemeenee Nuggishoone; showoo bullin hallito biine; maraateyaache; taahaache; bi gaboon maqqii shagon hakkemmo aalloone.
Doono Yeero, neen shaahiibeeto koniyoona aalloone; ne oogoo neene; ne shigoo hakkechi oogoone.
Aageteenaꞌochi Taatoocho, neen shataachemmo konine? Showee toommeexi ariyechinaꞌo bullich, boonoshi taatittino bullichi daggooch, neen shaahemmo aallo bi tunetoyich, oogo neech tunebe.
ishichiinoo iye: “Yeeri ariyechonaa giidechonane; biyoo bulli yemeenoochee bulli yemeenooch galleteebe.
Doono Yeeri kaatee kaareyaanoonaa oogeti giidechonane; tunebaani amolla tunetaa, gonde shuunechon sheeraanoon cikkii qayaache. Bi gommoo yubee yongoonaa yuppuppoonochi daggoochiye; quboo bi baateexi quttoone.
Yeerichi wojjee gaanno, shalligoonaa ariyoona am shaahoon woddete! Tuniiya bi maacciti mooyon koniyoona maqqiꞌi ariyoon hakkaache; bi gommonoo qaawii danoon hakkemmo aalloone.
Yeerichi maddechi Muusichi shoddoonaa Bagoochi shoddoonon ishichii shoddeheete: “Beshe Hakkechi Nuggishoo Doono Yeero! Ne shuunoo am shaahe worganikkiti ooge shuunoone! Aageteenaꞌochi Taatoocho! Ne gommo am shaahe cadiqe, ibere gommone!