Shoddo 143:2 - Kafa Linguistics Project

² Kashecho bulli ne aafooch cadiqo tuno bi qajjitoyich, ne guuno taan nallee gabberooch giddiyaahine.

Shoddo 143:2 ပူးပေါင်းရင်းမြစ်များ

1 Taateenaꞌo 8:46

“Axaaxoon shuuneyaani asho aallo bi tunetoyich, ne asheenaꞌo axaaxoon shuunoona neen boonoshi xuꞌaa, newoo boonoshin kaaraꞌa etteenaꞌoyich beshiyaa ne imaa, boonoshiyoo wohi woyee katini showooch keccii daamaa,

Iyoobi 14:3

Ebiyoommi taan manjiyaa ciinnaꞌa, ta toommooch nalliya, nallee gabberooch taan giddiinne?

Iyoobi 15:14

“Asho xalloo tunoon hakkehe? Maachee maacoochee shiijjeto, cadiqo tunoon hakkehe?

Iyoobi 25:4

Yeeri aafoochaa asho cadiqo bi tunemmo aabichireeshiye? Maachee waanee shiijjeti asho xalloo bi tunemmo aabichireeshiye?

Iyoobi 4:17

‘Meenon taheti asho, Yeeri aafooch, cadiqo tunoon hakkehe? Biin Hallito aafooch, xalloo tunoon hakkehe?

Shoddo 130:3

Doono Yeero, axaaxoon ne yichimmo gaata, ta Doonocho, koni hakki neexeshone?

Keyo 34:7

Ta shoodoon hume shiijjerooch beddaahaa quyaabeeto, xuꞌoon, hukkoonaa axaaxoonon maariibeeto taane. Tunebaani gonde shuunechon naxeyaanoon cikki qayaachemmo taane. Niheenaꞌo axaaxoyich bushiisheenaꞌon, boonoshi bushaa bushiisheenaꞌon keejjinnee shiijjeroonaa awuddinnee shiijjeroonooch beddaahaa naxemmo taane” iye.

Dojjecho 7:20

Deꞌe mooyon baach shuuneebeeto, axaaxoon shuunee ariyaani cadiqe asho, hini showee toommooch ciroona aalloone.

Roomi 3:20

Ebich asho koniyoona sheeroon quyoona Yeeri aafooch cadiqaache; ebiyoo ebi sheeroo asho bulli axaaxecho bi tunoon bi arichii beetoyichiye.

Galaati 2:16

Tunebaani asho Yesuus Kiristoosi toommooch mulloon tooꞌiyoonalli, sheeroon ceechoona cadiqaachemmo bi tunoon ariito noone. Ebich sheeroon ceechoona tuneyaanoon, Kiristoosi toommooch mullee tooꞌiyoona no cadiqemmoyich, no mulloon Kiristoos Yesuusi toommooch tooꞌiito noone. Meenon taheti asho koniyoona sheeroon ceechoona cadiqaache.

1 Yowannisi 1:10

“Axaaxoon shuuneyaano noone” no getigaata, biin kootiibeeto noone getone; bi qaaroo no mullooch aalloone.