Shoddo 142:4 - Kafa Linguistics Project

⁴ Ta qanne badd ciinneho; tunebaani taan gaachemmo aallehe; taach deebo tunemmo ikkolla aalle; taach aaxxiyemmi asho aalle.

Shoddo 142:4 ပူးပေါင်းရင်းမြစ်များ

Iyoobi 11:20

Tunebaani gondeenaꞌo aafo yaamemmone; murici boonoshi wodemmi gommon muccemminaꞌone; boonoshich beeti gibeno qitoo baachiye” iye.

Shoddo 1:6

Doono Yeeri cadiqeenaꞌo aaf shiichiꞌi, boonoshin quyee beetone; tunebaani gondeenaꞌochi gommo bi bechiibeeto aalloochiye.

Shoddo 140:6

Doono Yeerin “Ta Nuggishoo neene” gettemmo taane; Doono Yeero, gaachee danoyich ta cookaa beeton waayebe.

Shoddo 141:9

Taach boonoshi shaachiti shaachoochee, gondeenaꞌochi olloocheenoo taan quyebe.

Shoddo 143:4

Ebich ta qiimitto miccitone; ta mullo qititone.

Shoddo 31:11

Ta etteenaꞌo bulli, beshoonoo ta giyeenaꞌo, taan cooneheete; taan arii beetinaꞌo taan shattiyeete; gommoochaa taan beeggitinaꞌoo ta waanee wokkiyeete.

Shoddo 69:20

Naago ta mulloon buriccitone; ebina ta gibeno tahitone. Taach ariqqemmi ashoon qaawiyoye; tunebaani koniyoona aalloone; taan goggiyemmi ashoon qaawiyoye; tunebaani daneyaanoone.

Shoddo 88:18

Ta xiboonaa ta nuuchoonon tayee wokkiihine; manderoo baach taach nuuchoo tunehe.

Shoddo 88:8

Ta nuucheenaꞌo ta waanee wokkemmoyich tuniihine; boonoshina tiyaareeton taan tuniihine; giicheto taane; muricon hakkaache.

Erimiyaasi 18:22

Taan yeshoyich oppoon boonoshi iijjitoyich, ta baateenaꞌoyichoo shaachoon boonoshi shaachitoyich, diqqoona boonoshi toommooch ginee naayinaꞌon ne deebaa, boonoshi kexoochee cangecho waayeebe.

Erimiyaasi 25:35

Qiddeenaꞌo woci wodemmi, bagee dooninaꞌo muriccemmi xaaꞌoo aalloone.

Erimiyaasi 30:17

Iiwittinoon neech wochemmo taane; ne mayonoo wodiyemmo taane, iye Doono Yeeri. Ebiyoo ‘Koninolla qaaweyaani, koniyoona aaxxiyaani Tsiyoone’ boonoshi itoyichiye.

Yoonaasi 2:8

“Gaacaalli shahalleenaꞌoyich goyinnee beetinaꞌo, neech gibeneeto tunoon qajjitinaꞌone.

Maatiyoosi 26:56

Tunebaani ebi bulli bi tuneto, keemechinaꞌo kooriti Yaafe Macaafee qaaro bi ceennemmoyichiye” iye. Arooba bi dabbeenaꞌo bulli biin duppiichii aalleheete.

2 Ximootiyoosi 4:16

Batti batti ta taggoyich ikkolla taan gaacheyaanoon bulla qajjitinaꞌone; Yeeri ebi xuꞌoon boonoshi toommooch haddaaye.

1 Saameeli 27:1

Tunebaani Daawiti bi mulloona “Ikke areddoon Saaꞌooli taan wuxoon qayaachemmone. Ebich muricciꞌi Filsixeemeenaꞌo showooch hamoyee besh, taach bare gaawe mooyo aalloone. Aroochee Saaꞌooli Israꞌeelee showoo bulliich taan qaawoon qajjemmone. Tawoo bi kishoochee muriccemmo taane” iꞌi gabiye.