Shoddo 139:3 - Kafa Linguistics Project

³ Shuunee toommooch ta beemon, kashaa ta beemonoo ciinnehine; ta shaaddo bullin xiishaꞌa ariihine.

Shoddo 139:3 ပူးပေါင်းရင်းမြစ်များ

2 Saameeli 11:27

Eeppi aabo beshemmona Daawiti wochiiꞌi, bi kexooch bi woyemmoyich tuniihe. Biichoo mechee tunehan; anaami bushoonoo biich shiyahan. Tunebaani Daawiti shuuneti shuunoo Doono Yeerin emirikkaanoone.

2 Saameeli 8:14

Edoomee showoo bulliich bi ginee kaamboon kotiihe. Edoomeenaꞌo bulliyoo biich hajjeeheete. Doono Yeeriyoo Daawiti bi hammito aabiichaanona, wudoon bi danemmoyich tuniihe.

Iyoobi 23:10

Tunetaa bi ta shaaddoon ariihe; taan bi phiretoyee gubb, aachoochoommon aaxxemmo taane.

Iyoobi 31:4

Yeeri, ta beemon beeggiibeeto, ta shaaddoonoo haddiibeeto, toone?

Shoddo 119:168

Ta gommo bulli ne aafooch bi tunetoyich, Ne geteenaꞌonaa ne qociyeenaꞌonon quyehoye.

Shoddo 139:18

Haddiya ta getaa, qacoyee beshiꞌi woddehe. Tokketoochee tiyaꞌa andoo neenna tookkaa taane.

Dojjecho 12:14

Ebiyoo, asho shuuneebeeti gonde shuunoo tuneba deꞌe shuunoo bulli toommooch, aasheexonona echiyaanoon Yeeri nallemmo bi tunoone.

Isiyaasi 29:15

Boonoshi yameti yamoon Doono Yeer waanee aachiya qaawii beetinaꞌoyich, “Noon beeggesho konine? No shuunaa beeton ariyesho konine?” getona manderoon deebeꞌi aashoona shuunee beetinaꞌoyich, woowo!

Erimiyaasi 23:24

Asho bi qelloon aashe xaaꞌooch bi aachigaata, ta biin beegaachehote?” iye Doono Yeeri. “Showoonaa shimaayoonooch ceenneto toono taane?” iye Doono Yeeri.

Maatiyoosi 3:12

Maayoon yooppiibeeti qiico bi kishoochiye; maayo bullin yooppiree xalliyemmone; are yooppaa xalleti teepphoon bi gotooch geddemmone; tunebaani maaxxoon tahaani qaaqqoona michemmone” iye.

Yowannisi 13:2

Yesuusinaa bi dabbeenaꞌona gifiroon maa beeheete; daabiloosiyoo shiichiꞌi Asqorootechi Simoonichi bushoo Yihudi Yesuusin beshiiree bi immemmoyich gonde shalligoon bi mullooch giijjitone.

Yowannisi 13:21

Yesuusi ishin bi gettitoyee gubb, bi kashe xuuxehan. “Iberoon ittoshich gettoye: Ittoshi daggoochee ikkoo taan beshiiree immemmone” iꞌi xalla gettiye.