Shoddo 136:11 - Kafa Linguistics Project

¹¹ Israꞌeeleenaꞌon boonoshi daggoochee kichito, bulli yemeenoon shoodechone.

Shoddo 136:11 ပူးပေါင်းရင်းမြစ်များ

Shoddo 105:37

Israꞌeeleenaꞌo aachoonaa birewoonon yeshiree kechemmoyich tuniihe; boonoshi daggoochee taahiꞌi kuxee echeto aalloone.

Shoddo 78:52

Qiddoochoommon bi asheenaꞌo aafooch shiichiye; boonoshin barahoochaa yaabiye.

Keyo 12:41

Awudde ballaa shaashe nato ceenniyooba, ebi arooba Doono Yeerichi asho bulli mattiqutto tuneꞌi Gibitsee kechiye.

Keyo 12:42

Aroobee xum Doono Yeeri boonoshin Gibitsee kichoyich quyee bi qeyiti xumoone. Ebich Israꞌeelee asho bulli ebi xumoon quyoona tokketeyaanoon bi qeyemmi xumo tuneꞌi, bulli yemeenoon Doono Yeerich diireetone.

Keyo 12:51

Ebi arooba Doono Yeeri Israꞌeeleenaꞌon, boonoshi yoodi yoodee yaaroona tuniiꞌi, Gibitsee kichiye.

Keyo 13:14

“Gubbi yemeenooch ne bushoo ‘Ebi ama getone?’ iꞌi bi echegaata, ishichibe: ‘Gibitsee showee guuchittinoochee Doono Yeeri giidechi bi mochoona noon kichiye.

Keyo 13:16

Doono Yeeri giidechi bi mochoona Gibitsee noon bi kichitoyich, ebi doyoo ne kishooch woyee ne barooch geddeti malletoommon tunebe” iye.

Keyo 13:17

Farooni asheenaꞌon bi gawukkiyooba, katini gommo bi tunetaanoona, Filsixeemee showoona besheree boonoshi hammemmoyich Doono Yeeri boonoshin yaabaanoone. Ebiyoo asheenaꞌo boonoshi aaf beeti ginoon beegi, boonoshi gaboon shaddiree Gibits boonoshi wotteyaachemmoyichiye.

Keyo 13:3

Aroochee Muusi asheenaꞌoyich ishichiye: “Gibitsee showee guuchittinoochee ittoshi kechiti hini aaboon shalligibote. Ebiyoo, Doono Yeeri giidechi bi mochoona ebi showoochee ittoshin bi kichitoyichiye. Shittoo giyiti amee koshonolla maayaahote.

Keyo 13:9

Doono Yeeri giidechi bi mochoona Gibitsee neen bi kichitoyich, Doono Yeerichi sheeroo ne noonooch bi tunemmoyich, ne kishooch beeti malletoommon, ne barooch beeti shalligichoommonoo tunebe.