Shoddo 132:12 - Kafa Linguistics Project

¹² Ne bushiisheenaꞌo ta wogoonaa boonoshich ta immemmi qociyoonon boonoshi quyegaata, boonoshi bushiisheenaꞌo neyee gubb, bulli yemeenoon ne taatee qeenooch kotemminaꞌone” iye.

Shoddo 132:12 ပူးပေါင်းရင်းမြစ်များ

1 Taateenaꞌo 2:4

Ebin ne tuniigaata, Doono Yeeri taach ‘Ne yareenaꞌo ta getoon boonoshi waayegaata, ta aafooch ceeni boonoshi mulloonaa ceeni boonoshi kashoona gibeneeto tuneꞌi boonoshi giyii keyigaata, Israꞌeelee taatee qeenooch kotemmi asho ne yaroochee mucceyaachemmone’ bi iti qaaro ceennemmone.

1 Taateenaꞌo 8:25

“Andoo Israꞌeelee Nuggishoo Doono Yeero, ne guuno tuneti, ta nihoo Daawitich ‘Ta getoon ne waayoommon, ne bushiisheenaꞌo baach ta getoon waayebeetani, ta aafooch, Israꞌeelee taatee qeenooch kotemmi asho ne shiijjeroochee mucceyaachemmone’ iyaꞌa ne gibenikkiti gibenoon ceechibe.

2 Kiinoo 7:18

ne nihoo Daawitich, ‘Israꞌeeleenaꞌon qeejjemmi asho ne yaroochee mucceyaachemmone’ iyaꞌa wogoon ta giyetoommon, ne taatee qeenon manjiyemmo taane.

Shoddo 102:28

Ne maddechinaꞌochi bushiisheenaꞌo diggoona beeyemminaꞌone; boonoshi shiijjeroo ne aafooch manjiree beeyemmone” iyo.

Shoddo 115:14

Doono Yeeri ittoshinaa ittoshi bushiishoonon woddiibe.

Isiyaasi 59:21

Doono Yeeri ishichiye: “Boonoshina tookki ta giyemmi wogo ebine: Ne toommooch ta kotiiti ta Ayaano, ne noonooch ta kotiiti qaaro, hanaachee tiijji bulli yemeenooch beddaahaa ne noonoochee, ne bushiisheenaꞌo noonoochee, ne bushaa bushiisheenaꞌo noonoochee baraachemmone” iye Doono Yeeri.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Erimiyaasi 33:17

Ebich Doono Yeeri ishichiye: “Daawiti yaroochee Israꞌeelee taatee qeenooch kotemmo mucceyaachemmone.

Mishiraachechinaꞌo 2:30

Tunetaa Daawiti kashoona beebee, keemecho bi tunetoyich, Yeeri ‘Ne yaroochee ikkoon ne taatee qeenooch kotiyemmo taane’ iꞌi bi wogeti wogoon bi ariitoyich,