Shoddo 131:1 - Kafa Linguistics Project

¹ Doono Yeero, geecoona ta qelloon yeephaano taane; qillifoonoo ciixaano taane; taach maggoo tuneti, ta gaboyee beshiti mooyoyich, aaxxiyaache.

Shoddo 131:1 ပူးပေါင်းရင်းမြစ်များ

2 Saameeli 6:22

Halla ebiyee beshoon ta qelloon giishiyemmo taane. Neennoo hoxeeton tunemmo taane; tunebaani ebi are ne getteti shaajjeteenaꞌo taan oogiyemminaꞌone” iye.

Iyoobi 42:3

Newoo ‘Ariyaanoon yibbaatoona, ta shalligoon qallayaabeeti ne, halla koni neene?’ iyaꞌa echeto neene. Iberoochaa, taach giyaani mooyon, ta ariyaani, shalligoonoo ta hakkaani worganikkiti mooyon, getteto taane.

Shoddo 101:5

Bi nuuchoon gubbaa oonnii beeton aalliyemmo taane; geecoona coonderee beetinaꞌon haaꞌiyaachemmo taane.

Shoddo 122:1

“Doono Yeerichi kexooch hambone” boonoshi immona emiriyoye.

Shoddo 124:1

Doono Yeeri noonna tookkii tuneyaano gaata aabichishiye no gettesho? Israꞌeeli ishichi wochibe:

Shoddo 133:1

Maneenaꞌo ikkittinoona beemo, am shaahoon gaawetonaa emirikkitonane.

Shoddo 139:6

Ebiyoommi ariyoo taan worganikkiye; ta shalligoyee damboone.

Shaahiyoo 21:4

Aafee ciixonaa mullee geecoona gondeenaꞌochi ceecheenaꞌone; ebiyoo axaaxoone.

Erimiyaasi 17:16

Qiddoo tuneꞌi neech maddoochee gubb ikaano taane; xuuxee yemeeno boonoshi toommooch woyemmoyich qaataano taane; ebin ne ariyaabeeto neene; ta noonoochee kechito ne aafooch arichetone.

Erimiyaasi 45:5

Ne qellich beshe mooyon qaawii beetine? Ebin qaawiyaahine; ebiyoo meeno taheto bulli toommooch gonde mooyon deebemmo ta tunetoyichiye, iye Doono Yeeri. Tunebaani ne hammemmi xaaꞌoo bulliichaa ne kashe muriccemmoyich tuniyemmo taane’ itone” iye.

Haddoo 12:3

Showee toommooch beeti asho bulliyee beshoon Muusi bi qelloon giishiibeeti ashoone.

Maatiyoosi 11:29

Tawoo gaꞌi deꞌoonaa ta qelloon giishii beetona ta tunetoyich, ta waanjeen shaagote; ta waaneenoo doyibote. Arooba ittoshi kashe kashemmine.

Mishiraachechinaꞌo 20:19

Ayihudeenaꞌo kiceeꞌi ta toommooch boonoshi deebiti iritoona, bulli mooyoyich ta qelloon yeephaanoon acimoona Doono Yesuusichi wochee bushoo tunaꞌa biich shuuneho;

Roomi 11:33

Yeerichi wojjee gaanno, shalligoonaa ariyoona am shaahoon woddete! Tuniiya bi maacciti mooyon koniyoona maqqiꞌi ariyoon hakkaache; bi gommonoo qaawii danoon hakkemmo aalloone.

Roomi 12:16

Ittoshinaa ittoshina ikke mulloona ikkottebote; qellee oogiyee mooyon gabiyaahote; tunebaani qallayeetinaꞌona tookki ikkittinoona beebote. “Mullecho taane” getiree naadeyaahote.

Yibbaatoo 17:20

Ebin bi tuniyoo, ‘Ta maneenaꞌoyee besho taane’ geti bi gabaachemmoyich, wotta Yeerichi getoochee qanne badd woyee yooche badd bi wotteyaachemmoyich biin quyemmone. Ebina biinnaa bi shiijjereenaꞌona Israꞌeeleenaꞌo toommooch meeti yemeenoon taatemminaꞌone.

1 Tasaloonqi 2:10

Kittinnoo ittoshi daggooch am shaahe yaafittinoonaa cadiqittinoona, ikke bachaalli beemonoo no beemon ittoshinaa Yeerina miixoo ittoshine.

1 Saameeli 16:13

Aroochee Saameeli zayitee xoofoon tiijjiꞌi, bi maneenaꞌo aafooch biin huuttiye. Aroobee aaboochee tiijjiꞌi, Doono Yeerichi Ayaano Daawiti toommooch giidoona kindiye. Aroochee Saameeli Raama wotteꞌi hammiye.

1 Saameeli 16:18

Bi naayinaꞌo daggoochee ikkoo ishichiye: “Ooge ximboon gaawichiꞌi yexxii kaayon hakkiibeeti, Beetilehemechi Iseyi bushoon beeggeto taane. Biyoo ginee anaamonaa koyoyich kupphoonane; wotta mashaamiti yibbaatechonaa gaawe malletechonane. Doono Yeeriyoo biinna tookkii beetone” iye.

1 Saameeli 16:22

Aroochee Saaꞌooli “Daawitin oogichaꞌa ta shunnetoyich, ta waan beeree taach bi maddemmoyich daaggibe” iꞌi Iseyich wochoon daachiihe.

1 Saameeli 17:15

Daawitiyoo bi nihoochi bageenaꞌon quyoyich Saaꞌool waanee Beetilehem hammii, waa beehe.

1 Saameeli 18:23

Boonoshiyoo ebin Daawitich gettiyeete. Biyoo “Taatoochi bushee kenoon tuno ittoshich kette mooyo shaahii beete? Ta, girecho, wotta aricheyaani asho taane” iye.