3 Ne kechi daggoochaa, ne mechee aafeebeeti woyinoommon tunemmine; ne bushiisheenaꞌoo ne madee guudoona zayitee michi colloommon tunemminaꞌone.
“Yooseefi aafee yuunjiti woyinoommone; aachi gashooch becheeti woyinee bechoommone; bi ateenaꞌo uxeree toommooch taheyemminaꞌone.
Ulaamichi anaami bushiisheenaꞌo maꞌoon awuro hakkiibeeti ginee anaaminaꞌone. Biich balli aacha bushiishoonaa bushaa bushiishoona beetone. Eboshi bulli Biiniyaamee asheenaꞌone.
Bushiisheenaꞌo Doono Yeerichi wojjeenaꞌone; indee maacoochee daneebeeti ibere diireenaꞌone.
Meeti bushiishechi asho diireetone; bi etteenaꞌona tookkii addibaaboochaa bi gajjiteehooba yeelleyaache.
No anaami bushiisheenaꞌo boonoshi gurimaashittinoona gaawichii dicciibeeti bechoommon tunebeete; no maache bushiisheenaꞌo, taatee kexon macecikkoyich shuuneeti giimboommon tunebeete.
Tunebaani ta, waarwaariibeeti zayitee mixochoommon, Yeerichi kexooch beeto taane; bulli yemeenoochee bulli yemeenooch, Yeerichi shoodoon gibenehoye.
Doono Yeeri ta, ittoshin ‘Gaawe aafoon yuunjiti zayitee mixinaꞌote’ iyaꞌa ceeggehoye; tunebaani and giidechi yubee yongee qaaroommi qaaroon deejjiree bi waamon michemmo taane; bi qaakkoonoo tiichemmo taane.
“Ne indee aachi gashooch becheeti woyinoommine; aachi woddoochee tiyitona aafeebeeti wottoo wodde atechi woyinee qombeyoommine.
Yeeri neen kubbooch beeti zayitee mixoochee kuxxii deebiꞌi, neen shaahaani magi bechee zayitee michi daggooch geddiꞌi bi xaaqqitoyee, are magi bechoochee xooꞌeti ateenaꞌon aafi boonoshi xaaꞌooch giijjiꞌi xaaqqoo beshoon biich ketteyaachehe?