2 Ne aayon maayemmo neene; emiremmo neene; neechoo kaamemmone.
Showoochee halleeto neene; ebich showooch wottemmo neene; ne kecheti showooch ne wottemmi wottoon, aayi caajjeree koshon maayemmo neene” iye.
Aroo, woce aachi gashooch becheeti, bi goori gooroona aafaabeeti, bi waamo shoollaani, mixiyoommone; bi shuuneebeeto bulli biich kaamemmone.
Biich beeto bullin hiishecho deꞌe; bi aayo bullin dallaaweenaꞌo bogeete.
Axaaxecho balle wottoon gondoon shuuneebee bi eeno genjetaanona, mooyo bi kaamemmo Yeerin shattii beetinaꞌonaa biin oogii beetinaꞌonoyich bi tunoon ariiho.
Cadiqeenaꞌoyich, “Mooyo ittoshich kaamemmo bi tunetoyich, ittoshi shuunee aafoon maayemmo ittoshine” gete.
Doono Yeeri bi qanne kishoona, giidechi bi mochoonoo ishichiꞌi wogehe: “Ne maayoon ne etteenaꞌo maayemmoyich ciroona wochinnoon tuniyaachemmo taane; ne aajjeti woyinee uyoonoo shiqqeenaꞌo ciroona wochinnoon uyaachemminaꞌone.
Ebich Nuggishoo Doono Yeeri ishichiye: “Ta guuninaꞌo maayemminaꞌone; tunebaani ittoshi shaacemmo ittoshine; ta guuninaꞌo uchemminaꞌone; tunebaani ittoshi shachewemmo ittoshine; ta guuninaꞌo emiremminaꞌone, tunebaani ittoshi yeellemmo ittoshine;
Yigee mixona kexon ne hagoyich taateya gabii beetine? Ne nihoo maataanoone? Uyaanoone? Dayinnetechonaa cadiqoona bi tunetoyich bulli mooyo biich gaawetone.
Illa ta shunnaabeeti ta maneenaꞌote! Manjiree neexebote, shuuriyaahote; Doono Yesuus Kiristoosich ittoshi aajjiibeeti aayo duubo bi tunee qayon ariito ittoshine. Ebich bulli aaboon Doono Yesuus Kiristoosichi shuunoyich ittoshi qelloon guudiiree imbote.
Doono Yeeri neech imma ne qaabbechinaꞌoyich wogeꞌi bi gibenikkiti showoochaa meeti bushiishoon, meeti gijjeenaꞌonaa meeti maayoonon imiree neen gaanniyemmone.
Woyinoon bechiree shiime yechemmo neene; tunebaani hipperoo ebi woyinoon bi aalliitaa, woyinee aafoon macaachemmo neene; woyinee uyoonoo aroochee uyaachemmo neene.
“Ne shiyaabeeti bushiishoona, ne gochaabeeti goyoona, ne shiijjaabeeti gijjoona, bagee shiijjoonaa emmishee shiijjoona diireyemmo neene.
Neen boonoshi aalliimmi wottoon, ne gijjee shiijjoonaa budeexi ne maayoonon maaree aalliyemminaꞌone; ne maayoochee, ne woyinoochee, ne zayitoochee, ne miimoochee, bagoonaa emmishoonoochee amoonolla echiyaachemminaꞌone. Newoo qiti ciiremmo neene.
“Doono Yeeri ne gotoonaa ne kishoona ne shuunaabeeto bullinon diiremmone; ne Nuggishoo Doono Yeeri neech bi immiibeeti showoochaa neen diiremmone.