Shoddo 127:1 - Kafa Linguistics Project

¹ Doono Yeeri kexon hago qayigaata, haggechinaꞌo aayo duuboone; Doono Yeeri katemoon quyo qayigaata, quyechinaꞌo tokketaalli aafoon haroo gaacaalloone.

Shoddo 127:1 ပူးပေါင်းရင်းမြစ်များ

1 Taateenaꞌo 5:12

Doono Yeeriyoo bi gibenikkitoommon Solomoonich ariyoon immiye. Kiraaminaa Solomoonina daggooch diggoo beetone. Boonoshi guttiyoo wogoon giyiyeete.

1 Kiinoo 28:10

Illa and, Doono Yeeri yaafee kexon biich ne haggemmoyich neen bi kaacon batteyaahine; kuppheree shuunebe” iye.

1 Kiinoo 28:20

Aroochee Daawiti bi bushoo Solomoonich ishichiye: “Illa kupphebe; maaci kuxo tunebe; shuunoonoo wonnibe; ta Nuggishoo Doono Yeeri neenna tookkii bi tunetoyich shattaahine; keqqiyaahine. Biyoo ebi yaafee kechi shuunoo ciiremmi wottoon neen qayaachemmone; neen dufaachemmone.

1 Kiinoo 29:19

Ne geteenaꞌon, ne qociyoonaa ne doyoonon bi quyemmoyich, ta qanniiti qiiceenaꞌona yaafee kexon bi haggemmoyichoo ta bushoo Solomoonich ceeni mulloon imbe” iye.

Shoddo 120:1

Ta xuuxehooba Doono Yeer waan cookiyoye; biyoo ta cookoon waayehe.

Shoddo 121:1

Kaama qaallaꞌa geppeenaꞌo waan ciinneho; taan gaachemmo konine?

Shoddo 122:1

“Doono Yeerichi kexooch hambone” boonoshi immona emiriyoye.

Shoddo 123:1

Shimaayooch ne taatee qeenooch kotetocho, kaama qaallaꞌa ne waan ciinneho.

Shoddo 124:1

Doono Yeeri noonna tookkii tuneyaano gaata aabichishiye no gettesho? Israꞌeeli ishichi wochibe:

Shoddo 125:1

Doono Yeerin gibenee beetinaꞌo, bulli yemeenoon manjiti, shuuraani Tsiyooni guudoomminaꞌone.

Shoddo 126:1

Doono Yeeri, kecoochee Yerusaalem noon wochii bi deebiyooba gumonalli iberoon nooch shaahaanoone.

Shoddo 72:1

Yeero, taatoo dayinnetoona nallemmoyich, taatoochi bushoo cadiqoona bi qeejjemmoyich, hakkoon imbe.

Shoddo 78:69

Bi yaafee kexon guudoommon tuniiꞌi shuunehe; bulli yemeenoon bi manjiiti showoommon tuniihe.

Shaahiyoo 16:9

Asho bi mulloona bi gommon gabiye; tunebaani bi gommon kaachemmo Doono Yeerine.

Dojjecho 9:11

Hini showee toommoochee bare mooyon beeggeho; ebiyoo, woco afaafinechinaꞌoyich, koyoo ginee anaaminaꞌoyich, kosho mullechinaꞌoyich, gaanno beelleenaꞌoyich, gaawe aafoona ciicheyoo ariyechinaꞌoyich, tunee bi qayoniye. Bulli mooyon daniibeeto deconaa ixoonane.

Solomooni 3:3

Katemoon guuddii quyeebee, kellechinaꞌo taanna daneheete. Tawoo, “Kashoona ta shunnaa beeton beeggitote?” iyaꞌa boonoshin echeho.

Solomooni 5:7

Kellechinaꞌo katemoon guuddiibee taan daneheete; taan yexxiꞌi mayiiheete; ebi katemee uxeree kellechinaꞌo toommeexi ta tahoon shoottii daammiyeete.

Isiyaasi 27:3

Doono Yeeri ta, quyecho taane; bulli aaboon aacon uchiyoye; koniyoona biin bi duubiyaachemmoyich, areddoonaa xumoonon quyehoye.

Isiyaasi 56:10

Israꞌeelee qayechinaꞌo aaf doogeenaꞌone; boonoshi bullich ariyoo aalloone; buhaani miime kunaanoomminaꞌone; tokketeechii gummiyeete; tokketoonoo shunniyeete.

Isiyaasi 62:6

Yerusaaleme, qayechinaꞌon ne uxereenaꞌooch kotiito taane; boonoshiyoo xumoonaa areddoonon ciroona cikkaachemminaꞌone; Doono Yeer waan cookii beetinaꞌote, ciroona kasheyaahote.

Erimiyaasi 51:12

Baablooni uxeroon gaakkii gimoyich malletoon tiijjibote; kupphii quyebote; kellechon neechibote; ottii koyechinaꞌon qanniibote; ebiyoo Doono Yeeri Baabloon beetinaꞌochon bi gettiton, gabiꞌi bi tuniitoyichiye.

Erimiyaasi 51:31

Katemoo okkee hach beddaahaa bi yechoon Baabloonee taatoyich getoyich, ikke woccecho bare woccechona, ikke wocheyecho bare wocheyechona danoyich woccemmone.

1 Qorontoosi 15:14

Kiristoosi qitoochee tiyaano bi tunegaata, ishigaata mishiraachee qaaroon no geto duuboone; wotta Kiristoosi toommooch ittoshi mullee tooꞌiyoo duuboone getone.

1 Qorontoosi 3:7

Ebich shookketi yaroon colliiꞌi kaama eenniibeeto, Yeeriyalli, yaroon shookkito woyee aacon kittii uchito, bi halliti mooyo aalloone.

Galaati 4:11

“Ittoshich ta aajjeti aayo bulli duubo tuno qayaache” iyaꞌa shattaabeeto taane.

Yibbaatoo 8:18

Gaannoon ne danemmoyich neech giidoon immiibeeti ne Nuggishoo Doono Yeerin batteyaahine. Ebin bi tuniibeeto, ne qaabbechinaꞌoyich bi wogeti wogoon ceechoyichiye; ebinoo hanaach beddaahaa tunii beetone.

Yaasi 2:2

Arooba Yaariki taatoo Israꞌeeleenaꞌo daggoochee ikkikkeenaꞌo showoon qiidda aroobee xum katemooch giyitinaꞌo boonoshi tunoon waayehe.