Shoddo 126:3 - Kafa Linguistics Project

³ Doono Yeeri worganikkiti mooyon nooch tuniitone; ebich emirito noone.

Shoddo 126:3 ပူးပေါင်းရင်းမြစ်များ

Shoddo 18:50

Doono Yeeri bi taatiiti taatoyich ooge wudoon immii beetone; bi huuttitoyich bi shoodoon bekkii beetone; ebinoo Daawitinaa bi shiijjereenaꞌonoyich bulli yemeenoon tuniihe.

Shoddo 31:19

Asheenaꞌo aafoochaa neen shattii beetinaꞌoyich ne qanniiti, ne shoobooch giyitinaꞌoyich ne kiciti, ne deꞌittino am shaahoon woddehe!

Shoddo 68:22

Doono ishichii beetone: “Ne etteenaꞌon Bashaanee deebemmo taane; boonoshin baharee hoonoochee deebemmo taane.

Isiyaasi 25:9

Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

Isiyaasi 66:14

Ebin ittoshi beegiyooba ittoshi mullo emiremmone; ittoshi shaawusho mocoochoommon nollemmone; Doono Yeerichi kishoo bi guuninaꞌona tookkii tuno arichemmone; bi kaaro bi etteenaꞌo toommooch tunemmone.

Yoꞌeeli 2:20

“Dambi-waanee waabeeti ginee naayinaꞌon, ittoshi waanee wokkiyemmo taane; barahoonaa shuuꞌi showoonooch yookkemmo taane. Aaf beetinaꞌon aabi-keyo waanee baharooch, gubb beetinaꞌonoo aabi-gimo waanee baharooch, daachiyemmo taane. Boonoshi dubeno shaaqqemmone; bi shaaꞌo hooggemmone. Ebiyoo geececho bi tunetoyichiye.

Yoꞌeeli 2:21

“Showeene, shattaahine; emiribe! Doono Yeeri ta, worganikkiti mooyon ta tuniitoyich, oogichi emiribe!

Luqaasi 1:46

Arooba Maariyami ishichiyan: “Ta kashoona Yeerin oogiihoye;

Yaaꞌoo 12:10

Oogeti qaaro shimaajji taatee xaaꞌoochaa ishichii beeton waayeho: “And no Nuggishoo bi asheenaꞌon wodiitone; ooge bi giidoon bekkiibee taatemmone; bi kaacciti Kiristoosiyoo tiyi bullin hajjemmone; no Nuggishoo aafoochaa areddoonaa xumoonon no maneenaꞌon taggeebeeti taggecho shimaayoochee duppetone.