Shoddo 126:2 - Kafa Linguistics Project

² No noonoo miicona, no heciyoo ililoona ceenniye; aroochee aageteenaꞌo “Doono Yeeri worganikkiti mooyon boonoshich tuniite” iyeete.

Shoddo 126:2 ပူးပေါင်းရင်းမြစ်များ

Iziri 3:11

Boonoshinaa boonoshina kaalli kaalloona shoddoon kofeebee, “Deꞌoone; bulli yemeenoon Israꞌeeleenaꞌoyich shoodechone” iꞌi shoddoona Doono Yeerin galleteheete. Doono Yeerichi kechi xaqqeenaꞌo heccetoyich, asheenaꞌo bulli Doono Yeerin galleteebee ooge qaaroona ililiyeete.

Nehimi 6:16

No guudoona beeti aageteenaꞌo daggooch beeti no etteenaꞌo bulli ebin boonoshi waayehooba, shattiyeete; boonoshi gaboona oogichii yeelleheete; ebi shuunoo qannito, no Nuggishoochi gaachoona bi tunoon ariiheete.

Iyoobi 8:21

Biyoo wochinnoon emiroona ne miiccemmoyich, ililishoo ne gettemmoyich, tuniyemmone.

Shoddo 14:7

Israꞌeelin wodiyecho Tsiyoonee abo waashoo geta! Doono Yeeri bi asheenaꞌochi kecoon bi wochiyooba, Yaaqobi emiremmone; Israꞌeeli emiroona wucwuccemmone.

Shoddo 51:14

Taan Wodiyechi Nuggishoo Yeero, damee ukkee gondoochee taan wodiibe. Taan ne wodiyoon ta qaaroon oogichiree shoddemmo taane.

Shoddo 53:6

Israꞌeelin wodiyecho Tsiyoonee waashoo geta! Yeeri bi asheenaꞌochi kecoon bi wochiyooba, Yaaqobi emiremmone; Israꞌeeli emiroona wucwuccemmone.

Shoddo 71:19

Yeero, ne cadiqittino shimaayooch shagoone; ogooge mooyon tuniito neene; Yeero, neenoommo konine?

Isiyaasi 35:10

Doono Yeeri biishetinaꞌo aroona shaꞌemminaꞌone; shoddebeeshoo Tsiyoon woyemminaꞌone; bulli yemeenee emiroon ukoochoommon ukemminaꞌone; emiroonaa wucwuconon danemminaꞌone; ayinoonaa tuumona wokkemmone.

Isiyaasi 51:11

Doono Yeeri biishetinaꞌo wottemminaꞌone; shoddebee Tsiyoon woyemminaꞌone; bulli aabee emiroon gubbichoo ukoommon ukemminaꞌone; emiroonaa wucwucona boonoshich tunemmone; ayinoonaa eefona boonoshiyee wokkemmone.

Erimiyaasi 31:7

Ebich Doono Yeeri ishichiye: “Yaaqobich emiroona shoddebote; aageteenaꞌochi ukkiroyich ililibote; awaajjibote; galletebote; ‘Doono Yeeri bi asho tuneti Israꞌeelee curoon wodiitone’ getote.

Erimiyaasi 33:11

wucwuci qaaroonaa emiree qaaroona, woꞌee kenoochi qaaroonaa woꞌeechi qaaroona ebiyoommon wotta, ‘Doono Yeeri deꞌo bi tunetoyich, bi ariqqoo bulli aabeecho bi tunetoyich, Beshe Mawe Doono Yeerin galletebote’ ii beeti galletee deejjoon yeshiree Doono Yeerichi yaafee kexooch woyemmi asheenaꞌochi qaaro waayeyemmone; ebiyoo showeechi kecoon wonnee bi goorooch wochemmo ta tunetoyichiye” iye Doono Yeeri.

Hiziqeeli 36:36

Ittoshi guudooch echeꞌi beeti aageteenaꞌo Doono Yeeri ta, happeeti xaaꞌeenaꞌon ta shuunoon, shokkaache showeenaꞌooch becheenaꞌon wochaa ta bechoon ariyemminaꞌone; Doono Yeeri ta, ebin getteto taane; ebinoo tuniyemmo taane.

Haddoo 23:23

Yaaqobi toommooch iicoo shuuneyaache; Israꞌeeli toommoochoo qaaxo shuuneyaache. Illa and, ‘Yaaqobich, Israꞌeelichoo Yeeri tuniiton beegote’ getteyemmone.

Roomi 11:15

Duppee boonoshi echo alemoon Yeerina tookki bi shunemmoyich tuniibeeto bi tunegaata, Yeer waan boonoshi wotto qitoochee tiyiꞌi kashoona beemoommone!