Shoddo 126:1 - Kafa Linguistics Project

¹ Doono Yeeri, kecoochee Yerusaalem noon wochii bi deebiyooba gumonalli iberoon nooch shaahaanoone.

Shoddo 126:1 ပူးပေါင်းရင်းမြစ်များ

Iyoobi 42:10

Iyoobi bi nuucheenaꞌoyich bi corootitoyee gubb, Doono Yeeri biin wochinnoon gaannechon tuniihe; aafi bi gaannoyee gutte kishoon tuniiꞌi bulli mooyon biich immiye.

Iyoobi 9:16

Biin ta ceegaa bi eekketaanona, ta cookoon bi waayoon gibeneyaache.

Shoddo 120:1

Ta xuuxehooba Doono Yeer waan cookiyoye; biyoo ta cookoon waayehe.

Shoddo 121:1

Kaama qaallaꞌa geppeenaꞌo waan ciinneho; taan gaachemmo konine?

Shoddo 122:1

“Doono Yeerichi kexooch hambone” boonoshi immona emiriyoye.

Shoddo 123:1

Shimaayooch ne taatee qeenooch kotetocho, kaama qaallaꞌa ne waan ciinneho.

Shoddo 124:1

Doono Yeeri noonna tookkii tuneyaano gaata aabichishiye no gettesho? Israꞌeeli ishichi wochibe:

Shoddo 125:1

Doono Yeerin gibenee beetinaꞌo, bulli yemeenoon manjiti, shuuraani Tsiyooni guudoomminaꞌone.

Shoddo 14:7

Israꞌeelin wodiyecho Tsiyoonee abo waashoo geta! Doono Yeeri bi asheenaꞌochi kecoon bi wochiyooba, Yaaqobi emiremmone; Israꞌeeli emiroona wucwuccemmone.

Shoddo 53:6

Israꞌeelin wodiyecho Tsiyoonee waashoo geta! Yeeri bi asheenaꞌochi kecoon bi wochiyooba, Yaaqobi emiremmone; Israꞌeeli emiroona wucwuccemmone.

Shoddo 85:1

Doono Yeero, ne showoyich deꞌe mooyon tuniimmo neene; Yaaqobichi yaroon wochaꞌa gaanniimmo neene.

Shoddo 85:2

Ne asheenaꞌochi gondoon shaaddaa beshemmo neene; boonoshi axaaxoo bullin maarimmo neene.

Erimiyaasi 29:14

Tawoo ittoshich danemmo taane” iye Doono Yeeri. “Ittoshi kecoon wochemmo taane; aagetoo bulliichee, ittoshin ta yookketi xaaꞌoo bulliichee wochemmo taane” iye Doono Yeeri. “Kecooch ittoshin ta daachiiti showoochee wochi deebemmo taane” iye.

Erimiyaasi 33:26

Yaaqobichi yareenaꞌonaa ta guuno Daawitichi yaroonon qajjesho taane; boonoshi bushiisheenaꞌoocheenoo Abrahamichi, Yisaaqichi, Yaaqobichi yareenaꞌo toommooch bi taatemmoyich kaacaachesho taane. Tunebaani boonoshi kecoon ta wochemmo, boonoshich ariqqemmo ta tunetoyichiye” iye.

Hosee'i 6:11

“Yihudee asheenaꞌote! Ittoshi toommooch nallee aabo kuchetone.

Yoꞌeeli 3:1

Doono Yeeri ishichiye: “Aroobee aaboonaa yemeenoonooch, Yihudee showoonaa Yerusaaleminochi kecoon wochemmo taane.

Maariqoosi 16:11

Yesuusi qitoochee tiyiꞌi kashoona bi beemon, biichoo bi bekkoon ure waanee boonoshi waayetaa, iberiyaaneenaꞌone.

Luqaasi 24:11

Hini mooyo boonoshich daayino bi shaahitoyich, are genneenaꞌochi yibbaatoon iberiyaaneenaꞌone.

Luqaasi 24:41

Boonoshiyoo emiroochee tiyitona bi gettiti mooyon iberiyoon hakkaaneenaꞌone. Ebich worganee boonoshi beetaa, “Manjeyemmi maayo ittoshi waan aalle?” iꞌi echehe.

Mishiraachechinaꞌo 12:9

Pheexiroosi kechii maraakoon dabbiye. Areegaata yaaꞌoon beeggii beetonalli biich bi shaahiibeeto, maraakoo shuuneti mooyo biich iberoon shaahaanoone.

Yibbaatoo 30:3

ne Nuggishoo Doono Yeeri neen wochinnoon gaanniyemmone; neech ariqqemmone; aageteenaꞌo bulli daggooch neen bi shaccitoochee, wochiree neen kicemmone.