Shoddo 125:5 - Kafa Linguistics Project

⁵ Tunebaani xumme gommooch wottee beetinaꞌon, gondeenaꞌona tookki Doono Yeeri aalliyemmone. Israꞌeelich diggoo tunebe.

Shoddo 125:5 ပူးပေါင်းရင်းမြစ်များ

2 Saameeli 22:22

Ebiyoo Doono Yeerichi gommon ta dabbitoyichiye; gondoon shuunoona Yeer waanee gubb wotteyaano ta tunetoyichiye.

Iyoobi 23:11

Tawoo bi hilloon dabbito taane; qanna yoocha getaanoon, bi gommon hammeto taane.

Shoddo 101:3

Gonde shuunoon ciinibee cikki qayaachemmo taane; Yeeriyee kechiti asheenaꞌo mooyon shixxehoye; boonoshina tookkishoo ciroona guuphaache.

Shoddo 128:6

Ne bushaa bushoon ne beeggemmon tuniibe. Israꞌeelich diggoo tunebe.

Shoddo 40:4

Doono Yeerin gibeneebeeto, koote nuggisheenaꞌon dabbiibeeti geecechinaꞌo waan wotteyaani asho, diireetone.

Shoddo 92:10

Tunebaani ne, ta giidoon gaahoochoommon kupphiito neene; gaawe zayitoon ta toommooch ukkihine.

Shoddo 92:7

ebiyoo gondeenaꞌo mocoo colloommon boonoshi colletaa, gondoon tunii beetinaꞌo boonoshi gaannetaa, bulli yemeenoon aallemminaꞌo boonoshi tunoone.

Shoddo 92:8

Tunebaani Doono Yeero, ne bulli yemeenoon besho neene.

Shoddo 94:4

Cennee yibbaatoon yibbaateheete; gondeenaꞌo bulli geeciyeete.

Shaahiyoo 14:14

Cadiqittinoochee shokiibeeti asho bi shuunee gatiyoon danemmone; deꞌe ashoo bi deꞌe shuunee gatiyoon danemmone.

Shaahiyoo 2:15

boonoshi gommo wuuqqoo, boonoshi shaaddoo xummoone.

Shaahiyoo 21:16

Shalligee gommoochee muriccimmi asho, qite asheenaꞌo kiceetooch tooqqemmone.

Isiyaasi 54:10

Guudinaꞌo shuuroon, geppeenaꞌoo qewoon, hakkiyeete; tunebaani ta shoodo ne waanee wohaachemmone; ta giyeti diggee wogo happeyaachemmone” iye neech ariqqechi Doono Yeeri.

Isiyaasi 54:13

Ne bushiisheenaꞌo Doono Yeer waanee doyitinaꞌon tunemminaꞌone; ne bushiisheenaꞌochi diggoo woddemmone.

Isiyaasi 59:8

Diggee gommon ariyaaneenaꞌone; boonoshi gommooch dayinneto aalloone; boonoshi boochoon xummiitinaꞌone; aroona hammiibeeto koniyoona diggoon daneyaache.

Erimiyaasi 2:19

Ne gondo wochi neen sheeremmone; taan ne qayo wochi neen qallayemmone; ne Nuggishoo Doono Yeeri taan ne qayo, taachoo shaton ne qayo, neech gondoonaa caamoona bi tunoon ariibe” iye Beshe Mawe Nuggishoo Doono Yeeri.

Hiziqeeli 37:26

Diggee wogoon boonoshina tookki giyemmo taane; ebi wogo bulli aabee wogoon boonoshich tunemmone; boonoshin manjiyemmo taane; meechemmo taane; ta yaafee kexo bulli aaboon boonoshi daggooch bi beeyemmoyich tuniyemmo taane.

Hosee'i 2:18

“Arooba, boonoshicha geti kubbi cooxona tookki, shimaajji kafoonaa yuummere halleenaꞌona tookki wogoon giyemmo taane. Bulliyona diggoona boonoshi beeyemmoyich, koyee qiico bullin, maꞌoonaa goraadoonon showee toommoochee aalliyemmo taane.

Sofoniyaasi 1:6

Taach goyinnee maddoon qajjiꞌi bara wottetinaꞌon, boonoshin ta gaachemmoyich, ta waan giddeyaaneenaꞌon aalliyemmo taane” iye.

Maatiyoosi 7:23

Arooba ‘Hini hukkechinaꞌote, ta waanee wohote. Ittoshin cir ariyaano taane’ getiree boonoshich xalla gettemmo taane” iye.

Luqaasi 11:25

wottee bi waahaa, are bi kechiti kexo hidaa qanniꞌi beeton beeggiye.

Yowannisi 14:27

Diggoon ittoshich wojjaabeeto taane; ta diggoon ittoshich immaabeeto taane. Hini ittoshich ta immaabeeti diggoo alemo immii beetoommo toonoone. Ittoshi mullo keqqaaye, shatishoo gettaaye.

Galaati 6:16

Ebi ta gettaabeeti doyoommona beetinaꞌo bullich, Yeerichi asheenaꞌo tuneti Israꞌeeleenaꞌoyich, diggoonaa ariqqoona tunebe.

Hibireena'o 10:38

Tunebaani ta toommooch mulloon tooꞌiyoona cadiqiti ta asho, kashecho tuneree beeyemmone. Tunetaa gubb bi shokigaata biinna emiraache” itone.

1 Pheexiroosi 1:2

Nihoo Yeeri shiichiꞌi bi gabitoommon, bi kaaccitinaꞌoyich, Yesuus Kiristoosich deꞌa getoyich bi damoo wucaa xalletinaꞌonaa Yaafe Ayaanoona yaafeetinaꞌonoyich: Yeerichi wojjoonaa diggoona ittoshich woddebe.