Shoddo 122:5 - Kafa Linguistics Project

⁵ Nalloyich taatee qeeninaꞌo arooch beetinaꞌone; Daawiti yareenaꞌochi taatee qeeninaꞌo arooch beetinaꞌone.

Shoddo 122:5 ပူးပေါင်းရင်းမြစ်များ

2 Saameeli 8:18

Yoyaadi bushoo Beenayi taatoochi quyee naayinaꞌo tuneti Kereeteenaꞌonaa Feleeteenaꞌonochi toommooch ukkiroone. Daawitichi anaami bushiisheenaꞌo wotta mikkirechinaꞌone.

1 Taateenaꞌo 7:7

Solomooni arooch koteechii bi nalliibeeti, bi taatee qeeno beeti Nallee Goddemmoon shuunehe. Dechi hecoochee dambee maammeenaꞌooch beddaahaa, yigee shaaqqoona tajjeetone.

2 Kiinoo 11:22

Roboꞌami, Maꞌaki bushoo Abiyin taatiiya bi qaawitoyich, bi maneenaꞌo toommooch iraashiihe.

2 Kiinoo 19:8

Aroochee Yoshafaaxi Leweenaꞌoochee, qeesheenaꞌoochee, Israꞌeelee yaree ukkireenaꞌoochee asheenaꞌon ukkiriiꞌi, Doono Yeerichi sheeroo quyeyemmoyich boonoshi tuniyemmonaa asheenaꞌochi taggoon boonoshi nallemmonoyich Yerusaalem kotiihe. Boonoshiyoo Yerusaalem koteheete.

Yibbaatoo 17:18

“Taatee qeenooch bi kotehooba, hini Sheeree Macaafoon qeeshoo tuneti Leweenaꞌo waanee daamiree, bi qellich macaafooch bi kooreyemmoyich tuniibe.

Yibbaatoo 17:8

Muusi Israꞌeeleenaꞌoyich ishichiye: “Ittoshi katemooch beeti ikkikke mooyo nallii kuxoyich nallechinaꞌoyich oogeti maggoo tunemmone. Ebiyoo ikke asho ashoon bi wuxito, gabii kuxxiꞌi bi tunoonaa diqqoona bi tunoonon, ashoon bi yexxito woyee ashi qiicoon bi duubiito ariibee bi tunoonaa diqqoona bi tunoonon bariiꞌi ariyoone. Ebi mooyo tunehooba, ne Nuggishoo Doono Yeeri kaacciti xaaꞌooch tiyi hambe.