Shoddo 119:55 - Kafa Linguistics Project

⁵⁵ Doono Yeero, xumoona ne shigoon gabiyoye; ne sheeroon quyehoye.

Shoddo 119:55 ပူးပေါင်းရင်းမြစ်များ

Shoddo 119:17

Kashoona ta beeyemmonaa ne qaaroon ta quyemmonoyich, ne guuno taach gaawe mooyon tuniibe.

Shoddo 119:34

Ne sheeroon ta quyemmoyich shalligoon taach imbe; ta ceeni mulloona ne sheeroyich yittemmo taane.

Shoddo 119:44

Bulli yemeenoon ne sheeroon quyemmo taane.

Shoddo 139:18

Haddiya ta getaa, qacoyee beshiꞌi woddehe. Tokketoochee tiyaꞌa andoo neenna tookkaa taane.

Shoddo 42:8

Doono Yeeri bi shoodoon areddoona bekkiihe; xumoonoo bi shoddo ta waan beetone; ta kasheechi Nuggishoo waan corootemmo taane.

Shoddo 63:6

Ta qeenoochaa neen gabiyoye; xumo bullin ne mooyon yexiihoye.

Shoddo 77:6

Kichaa kindiyaabee showoon hariiho; ta mulloona yexiyaabee ishichaꞌa echeho:

Isiyaasi 26:9

Ta kashe xumo bullin neen sharaatehane; ta ayaano neen qaawiye; ne dayinneto showee toommooch bi tunehooba, showee toommooch beetinaꞌo cadiqo tunoon doyemminaꞌone.

Luqaasi 6:12

Arooba Yesuusi corootiya geppooch kechiye. Yeer waan corootiibee arooch qeyiye.

Yowannisi 14:21

‘Tuniibe’ iyaꞌa ta getteton deꞌa iꞌi tuniibeeto, taan shunniibeeto aroone; taan shunnii beeton ta Nihoo shunnemmone; tawoo shunnemmo taane; biichoo bekkemmo taane” iye.

Yowannisi 15:10

Ta Nihoo ‘Tuniibe’ iꞌi bi gettiton ta ceechoommon, bi shunoonoo ta beemoommon, ‘Tuniibote’ iyaꞌa ta getteton ittoshi ceechigaata, ta shunoona beeyemmo ittoshine.

Mishiraachechinaꞌo 16:25

Tunetaa xumee gutte qellimooch Phawuloosinaa Sillaasina corootiibee shoddoona Yeerin galletee beeheete; arooch beeti qoppeenaꞌoo ellee beeheete.