Shoddo 119:26 - Kafa Linguistics Project

²⁶ Ta mooyo bullin neech gettehoye; newoo waayehine; ne sheeroon taach dojjibe.

Shoddo 119:26 ပူးပေါင်းရင်းမြစ်များ

1 Taateenaꞌo 19:10

Biyoo, “Beshe Mawe Nuggishoo Doono Yeeri neech oogichaa qanaateto taane. Israꞌeeleenaꞌo neenna tookkii boonoshi giyiti wogoon biichitinaꞌone; ne deejjee gudeenaꞌon happitinaꞌone; ne keemechinaꞌonoo goraadoona wuxitinaꞌone. Ta ikkeeto baach, echeto taane. Taanoo wuxoyich qaawii beetinaꞌone” iye.

1 Taateenaꞌo 8:36

shimaayoochaa waayebe; ne guuninaꞌochi axaaxoon, ne asheenaꞌo tuneti Israꞌeeleenaꞌochi axaaxoon maaribe; boonoshi hammemmi kaame ne gommon boonoshich dojjibe; boonoshi iristo tuniyaꞌa ne asheenaꞌoyich ne immeti showooch amiyon dichibe.

2 Taateenaꞌo 20:3

“Doono Yeero, gibeneeto ta tunoon, ceeni ta mulloona neech ta maddoon, ne aafooch gaawe mooyon ta tuniyoonoo and ne shalligemmoyich neen qollehoye” iye; girgittiinoo eeppiye.

2 Taateenaꞌo 20:5

“Wotte hamiree, ta asheenaꞌon yaabii qeejjiibeeti taatoo Hiziqiyaasich ishichibe: ‘Ne qaabbechi Daawitichi Nuggishoo Doono Yeeri ishichiye: “Ne corootoon waayeto taane; ne acimoon beeggeto taane; neen woddiyemmo taane; keejjinnee qemooba, damba Doono Yeeri ta yaafee kexooch hammemmo neene.

Shoddo 119:106

Tate ne dayinnetoon quyoyich, manjiyaa wogehoye.

Shoddo 119:12

Doono Yeero, galleteeti Nuggishoo neene; ne qociyoon taach dojjibe.

Shoddo 25:4

Doono Yeero, ne gommon ta ariyemmoyich tuniibe; ne gommon taach dojjibe.

Shoddo 27:11

Doono Yeero, ne gommon taach dojjibe; ta etteenaꞌochi naboyich tate gommona taan yaabibe.

Shoddo 32:5

Ta axaaxoon neech arichiiho; ta gondoonoo aachaano taane; “Ta xuꞌoon Doono Yeerich aannemmo taane” iyoye; newoo ta axaaxoon maarihine.

Shoddo 38:18

Ta xuꞌoon aanniyoye; ta axaaxoo taan xuuxiitone.

Shoddo 86:11

Doono Yeero, neech gibeneyoona ta beeyemmoyich, ne gommon taach dojjibe; mulloon guttiyaanoon neen ta shattemmoyich tuniibe.

Shaahiyoo 28:13

Bi axaaxoon aachiibeeto aafeyaachemmone; tunebaani bi axaaxoon aanniꞌi, axaaxee shuunoon qajjiibeeto maareyemmone.