Shoddo 119:2 - Kafa Linguistics Project

² Bi geteenaꞌon quyee beetinaꞌo, boonoshi ceeni mulloona biin qaawii beetinaꞌo, diireetinaꞌone.

Shoddo 119:2 ပူးပေါင်းရင်းမြစ်များ

1 Taateenaꞌo 2:3

Ne Nuggishoo Doono Yeerichi getoon quyebe. Ne tuniyaabeeti mooyonaa ne hammaabeeti gommo bullina neech bi kaamemmoyich, bi gommona hambe; Muusichi Sheerooch bi kooreetoommon, bi doyeenaꞌon, bi geteenaꞌon, bi sheereenaꞌonaa bi qociyeenaꞌonon quyebe.

1 Kiinoo 22:19

Andoo ittoshi Nuggishoo Doono Yeer waan wottoyich ittoshi mulloonaa ittoshi gaboonon ikkochibote; tiyiree Nuggishoo Doono Yeerichi yaafee kexon ittoshi hagaa, Doono Yeerichi wogee taabootoonaa yaafeeti yaafee kechi qiiceenaꞌona Doono Yeerichi shigoyich hakkemmi yaafee kexooch gibeete” iye.

2 Kiinoo 31:21

Doono Yeerichi yaafee kechi maddoon tunetaa, Doono Yeerichi sheeroonaa getoonon ceechoon ciinnii beetona, bi tuniibeeto bullin bi ceeni mulloona Doono Yeerin gibenoona tuniihe; biichoo mooyo mashaamiye.

Shoddo 105:45

Ebiyoo bi qociyeenaꞌon boonoshi quyemmonaa bi sheereenaꞌon boonoshi ceechemmonoyichiye. Haleluya!

Shoddo 119:10

Ta ceeni mulloona ne waan wottehoye; ne geteenaꞌoochee ta keyaachemmoyich taan quyebe.

Shoddo 119:101

Ne qaaroon quyoyich, ta baatoon gondo bulliichee wochiyoye.

Shoddo 119:115

Ta Nuggishoochi geteenaꞌon ta quyemmoyich gondeenaꞌote, ta waanee wohote.

Shoddo 119:146

Ne waan cookiyoye; taan wodiibe; ne sheeroonoo quyemmo taane.

Shoddo 119:17

Kashoona ta beeyemmonaa ne qaaroon ta quyemmonoyich, ne guuno taach gaawe mooyon tuniibe.

Shoddo 119:22

Ne getoon ta quyetoyich, boonoshi naagoonaa cooqqiroonon ta waanee wokkiibe.

Shoddo 119:33

Doono Yeero, ne qociyoon taach dojjibe; tawoo ciirooch beddaahaa quyemmo taane.

Shoddo 119:34

Ne sheeroon ta quyemmoyich shalligoon taach imbe; ta ceeni mulloona ne sheeroyich yittemmo taane.

Shoddo 119:57

Doono Yeero, ta qoodee iristo neene; ne qaaroon quyeya maacceto taane.

Shoddo 119:69

Geecechinaꞌo ta shigoon gondiiheete; tunebaani ta, ne getoon ta ceeni mulloona quyehoye.

Shoddo 119:88

Ne qociiti qociyoon ta quyemmoyich, ne shoodoona taan wodiibe.

Shoddo 25:10

Bi wogoonaa bi qociyoonon quyee beetinaꞌoyich, Doono Yeerichi gommo bulli shoodoonaa gibeneyoonane.

Shaahiyoo 23:26

Ta bushoocho, gaawichi ellebe; ne aafeenaꞌo ta gommon ciineete.

Erimiyaasi 29:13

Taan qaawemmo ittoshine; ittoshi ceeni mulloona taan qaawiree danemmo ittoshine.

Hiziqeeli 36:27

Ta Ayaanoon ittoshi kashooch kotiyoona ta qociyoona ittoshi shaaddemmoyich, ta getoonoo manjii ittoshi quyemmoyich, tuniyemmo taane.

Yowannisi 14:23

Yesuusi wochiꞌi biich ishichiye: “Taan shunniibeeto koniyoona bi beegaata, ta getteton ceechemmone; ta Nihoo biin shunnemmone; bi waanoo woyemmo noone; bi waanoo beeyemmo noone.

Yibbaatoo 4:29

Tunebaani aroochaa ittoshi Nuggishoo Doono Yeer waan corootemmo ittoshine. Ceeni ittoshi mulloonaa ceeni ittoshi kashoona bi waan ittoshi corootigaata, biyoo ittoshi qolloon waayemmone.

Yibbaatoo 6:17

Ittoshi Nuggishoo Doono Yeeri ittoshich gettiti getoon, doyoonaa qociyoonon manjii quyebote.

Yibbaatoo 6:5

Newoo ne Nuggishoo Doono Yeerin ceeni ne mulloona, ceeni ne kashoona, ceeni ne giidoona shune.