141 Ta, giishecho, hoxeetoo taane; tunebaani ne qociyoon batteyaache.
Bulli aaboon ta kasheen qitooch beshiyaa imona beehoye; tunebaani ne sheeroon batteyaano taane.
Ne qociyoo taan emirikkiye; ne qaaroon batteyaachemmo taane.
Aalleti bagoochoommon yallyallimito taane; ne geteenaꞌon batteyaano ta tunetoyich, ne guuno taan qaawibe.
Tunebaani ta hipperoo taane; asho toono taane; ashoona cooneyaꞌa hoxeeto taane.
Ta, girecho, amaalli hulloo taane; tunebaani Doono taach gabemmone. Ne, ta gaachoonaa taan wodiyechona neene; ta Nuggishoocho, yagiyaahine.
Dulloo beeteexi wodde gaannoyee, Doono Yeerin shato beeteexi giisheche mooyo gaawiye.
Dayinnetoon dabiyoona daneebeeti wodde gaannoyee, tate gommona daneebeeti giishecho beshiye.
Bi heciyoon guttiibeeti mullaalli ashoyee, oonneyaani beemon beeti girecho gaawiye.
Ta bushoocho, ta dojjaa beeton batteyaahine; ta geteenaꞌon ne mullooch yeshe.
Biyoo ashoona shixxetonaa hoxeetonane; biiyoonaa xuuxoona biyee baraani ashoone; asho bi waanee aafoon badd wochiti, hoxeeti ashoone; nowoo biin oogiyaano noone.
Yesuusi bi dabbeenaꞌon ciinniꞌi boonoshich ishichiye: “Hini girechinaꞌote, diireeto ittoshine; Yeerichi taatittine ittoshichine.
Yesuusiyoo “Boqqelleenaꞌoyich oppo, shimaajji kafeenaꞌoyichoo kexo beetone; tunebaani Ashi Bushoyich giyi bi qeyemmi xaaꞌoo aalloone” iye.
No Doono Yesuus Kiristoosichi gaawe wojjoon ariito ittoshine; aroo amoommon gaannecho bi tunetaanoona, bi giroona gaannecho ittoshi tunemmoyich, ittoshicha iꞌi girechon tunehe.
Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?