Shoddo 119:120 - Kafa Linguistics Project

¹²⁰ Ta ashittino neen shatona qewehe; ne dayinnetoon beeggaꞌa shattehoye.

Shoddo 119:120 ပူးပေါင်းရင်းမြစ်များ

2 Taateenaꞌo 22:11

Taatoo Sheeree Macaafo shemmeetaa waayee, ayiniꞌi bi tahoon keexxiye.

1 Kiinoo 24:30

Muushi bushiisheenaꞌo wotta Mahili, Edeerinaa Yerimootina. Eboshi boonoshi yari yaree woretoona haddeeti Leweenaꞌone.

2 Kiinoo 34:21

“Hamiree taachon, Israꞌeelee showoonaa Yihudee showoonooch echeti asheenaꞌochon, hini daneti macaafooch kooreeti mooyon Doono Yeerin echebote. No qaabbechinaꞌo Doono Yeerichi qaaroon quyo boonoshi qajjitoyich, hini macaafooch kooreeto bulliyoommon tuniyoon boonoshi qajjitoyich, Doono Yeerichi kaaree shiixxoo no toommooch kinditone” iye.

2 Kiinoo 34:27

hini xaaꞌoonaa arooch beetinaꞌonon naxemmo ta tunoon ta getaa waayaꞌa, ne mullo tiishetoyich, Yeeri ta aafooch ne qelloon ne giishiitoyich, ne tahoon ne keexxetoyich, ta aafooch ne eeppetoyich, ne corootoon waayeto taane.

Iyoobi 23:15

Ebich bi aafooch neexoon shattoye; biin ta gabimmona, keqqoo taan yechiye.

Iyoobi 31:23

Yeerichi naxoon ta shattaa beetoyich, bi oogee yiiroo taan bi shattii beetoyich, ebin tuniyoon hakkaache.

Shoddo 119:53

Ne sheeroon qajjiti asheenaꞌochi naboona oogichaꞌa ippehoye.

Shoddo 88:16

Kupphe ne kaaro ta toommooch kindiye; ne keqqichoo taan aalliihe.

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Isiyaasi 66:5

Doono Yeerichi qaaroon shattii beetinaꞌote, bi qaaroon waayebote: “Ittoshin shixxiibeeti, ta shigoyich ittoshin yookkiibeeti ittoshi maneenaꞌo ‘Ittoshi emiroon no beeggemmoyich, eke Doono Yeeri bi oogoon bekkiibe’ itinaꞌone; tunebaani yeellemminaꞌo boonoshi qelloona boonoshine.

Imbaaqoomi 3:16

Tawoo ebi bullin waayaꞌa qewehoye; shatona ta noonoo tippehe. Ta shaawusho shekirehe; ta tingoo qewehe. No etteenaꞌon Doono Yeeri naxemmi aaboon, cikki quye beeyemmo taane.

Filipphisiyoosi 2:12

Gaawe bi daaggoon ittoshi qaawemmoyich, are bi daaggoonoo ittoshi ceechemmoyich, bulli aaboon ittoshina shuuneebeeto Yeerine. Ebich shucheti ta maneenaꞌote! Bulli aaboon ta ciicoyich ittoshi deꞌa itoommon, ittoshina tookkaa ta beetaa baach tuneyaanoon beshoon and ittoshi waanee ta wohi beetaa, ta ciicoyich deꞌa getote. Ittoshi daneti wodoo ceeno bi tunemmoyich shati qewebee kuppheree shuunebote.

Hibireena'o 12:21

Bekkeebeeti mooyo oogichii shattiito bi tunetoyich, Muusi “Oogeton shattaꞌa qewaabeeto taane” itone.

1 Saameeli 6:20

Ebina Beet Shemeeshi asheenaꞌo “Ebi Yaafe Nuggishoo Doono Yeeri aafooch neexoon hakkemmo, konine? No waanee bi wokkemmoyich, taabootoon koni waaniye no daachiyemmo?” iyeete.