Shoddo 119:118 - Kafa Linguistics Project

¹¹⁸ Boonoshi koceyoo duubo bi tunetoyich, ne qociyoochee kechii beetinaꞌo bullin hoxehine.

Shoddo 119:118 ပူးပေါင်းရင်းမြစ်များ

Shoddo 119:10

Ta ceeni mulloona ne waan wottehoye; ne geteenaꞌoochee ta keyaachemmoyich taan quyebe.

Shoddo 119:21

Ne geteenaꞌoochee kechiibeeti, uppeti geecechinaꞌon kaarehine.

Shoddo 119:29

Kootoon ta waanee wokkiibe; ne deꞌittinoona ne sheeroon taach dojjibe.

Shoddo 78:57

Wotteꞌi boonoshi qaabbechinaꞌochoommon dawushechinaꞌo tuneheete; qungeti shangoochoommon gibeneyaaneenaꞌo tuneheete.

Shoddo 95:10

Are shiijjeroon aabbe naton kaarehoye; “Mullo xoobbiti asheenaꞌone; ta getoon quyeyaaneenaꞌone” iyoye.

Shaahiyoo 12:20

Gondoon gabii beetinaꞌochi mullooch maroo beetone; tunebaani diggoon gabii beetinaꞌoyich emiroo beetone.

Isiyaasi 25:10

Doono Yeerichi kishoo hini guudi toommooch tunemmone; tunebaani Moꞌabee asheenaꞌo buyo dengooch gedaa koteyoommon koteyemminaꞌone.

Isiyaasi 44:20

Tulloon baaxxiye; muricechi bi mullo biin muriciitone; bi qelloon wodiyoon woyee “Ebi ta qanne kishooch beeto koote mooyo toone?” geton hakkaache.

Isiyaasi 63:3

“Ta ikkeeto baach oppoochaa woyinoon neexxoye; ashoochee koniyoona taanna tookkii aalloone; ta kaaroona boonoshin neexxoye; ta naxoona boonoshin yiikkehoye; boonoshi damoo ta tahooch wuceehe; ta taho bullinoo wooriihoye.

Milikiyaasi 4:3

Ta shuunemmi aabooba gondeenaꞌo ittoshi baatee dechiich tulloon tunemminaꞌone. Ittoshiyoo boonoshin neexxemmo ittoshine” iye Beshe Mawe Doono Yeeri.

Luqaasi 21:24

Goraadoona qitemminaꞌone; kecceree aagetoo bulliichoo shacemminaꞌone; ebi are boonoshin kecciti Aageteenaꞌochi yemeeno ciiremmi wottoonoo Yerusaalemin yiikkeree neexi hajjemminaꞌone” iye.

Efesooni 4:22

Ebich aafi ittoshi beemon gabibee dachiibeeti qaatoona duubeebeeti wonnee qocoon ittoshi waanee shootote.

Efesooni 5:6

Eboshi naboona Yeerichi kaaree shiixxoo biich deꞌa getaaneenaꞌo toommooch kindemmone; ebich koniyoona duube yibbaatoona ittoshin dachaaye.

2 Ximootiyoosi 3:13

Tunebaani gondeenaꞌonaa dawushechinaꞌona boonoshi qelloona dawusheebee, ashoonoo dawushibee, gonde mooyona beshi beshiree hammemminaꞌone.

1 Yowannisi 2:21

Iberoon ittoshi arii beetonaa ibere mooyoochee amee koote mooyolla danee bi qayon ittoshi arii beetonoyichalli, “Iberoon ariyaachote” iyaꞌa ittoshich kooraano taane.

Yaaꞌoo 14:20

Katemoyee maach beeti, woyinee aafo koteebeeti oppoochaa neechehe; ebi oppoochee deshee damba hareshee lugaamooch bede, bi gidoo keejje balle kiiloo meetirooch bede damoo kechii ufehe.

Yaaꞌoo 18:23

Bekkiibeeti ceechoo ebiyee bekk ne daggooch ciroona aaxxe bekkeyaachemmone; woꞌee kenoochi qaaroonaa woꞌechi qaaroona ebiyee bekk ciroona ne waanee waayeyaachemmone; ebi tuneto, ne giixechinaꞌo showeexi ogoogeenaꞌo boonoshi tunetoyichiye; iicaabee (qaaxaabee) aageteenaꞌo bullin ne muricciitoyichiye” iye.