Shoddo 119:10 - Kafa Linguistics Project

¹⁰ Ta ceeni mulloona ne waan wottehoye; ne geteenaꞌoochee ta keyaachemmoyich taan quyebe.

Shoddo 119:10 ပူးပေါင်းရင်းမြစ်များ

2 Kiinoo 15:15

Yihudee asheenaꞌo bulli ceeni boonoshi mulloona boonoshi wogetoyich, ceeni boonoshi gaboonoo bi waan boonoshi wottetoyich, biyoo boonoshina bi emiritoyich, ebi boonoshi wogeti wogoona emiriyeete. Doono Yeeriyoo boonoshi guudoona beetinaꞌo bulli waanee boonoshin kashiihe.

Shoddo 119:118

Boonoshi koceyoo duubo bi tunetoyich, ne qociyoochee kechii beetinaꞌo bullin hoxehine.

Shoddo 119:133

Ne gibenee qaaroona taan yaabibe; axaaxoo ta toommooch taataaye.

Shoddo 119:176

Aalleti bagoochoommon yallyallimito taane; ne geteenaꞌon batteyaano ta tunetoyich, ne guuno taan qaawibe.

Shoddo 119:2

Bi geteenaꞌon quyee beetinaꞌo, boonoshi ceeni mulloona biin qaawii beetinaꞌo, diireetinaꞌone.

Shoddo 119:21

Ne geteenaꞌoochee kechiibeeti, uppeti geecechinaꞌon kaarehine.

Shoddo 119:34

Ne sheeroon ta quyemmoyich shalligoon taach imbe; ta ceeni mulloona ne sheeroyich yittemmo taane.

Shoddo 119:58

Ne gibenikkitoommon taach ne ariqqemmoyich ta ceeni mulloona neen qollehoye.

Shoddo 119:69

Geecechinaꞌo ta shigoon gondiiheete; tunebaani ta, ne getoon ta ceeni mulloona quyehoye.

Shoddo 125:5

Tunebaani xumme gommooch wottee beetinaꞌon, gondeenaꞌona tookki Doono Yeeri aalliyemmone. Israꞌeelich diggoo tunebe.

Shoddo 23:3

Ta kashoon andiriihe; bi shigoyicha iꞌi cadiqee gommona taan yaabiye.

Shoddo 78:37

Boonoshi mullo biin gibenoona manjaanoone; bi wogoyichoo gibeneyaaneenaꞌone.

Shaahiyoo 2:13

Eboshi mandere boochoona hamoyich kaame gommon qajjii beetinaꞌo,

Shaahiyoo 21:16

Shalligee gommoochee muriccimmi asho, qite asheenaꞌo kiceetooch tooqqemmone.

Isiyaasi 35:8

Arooch gommo kechemmone; ebiyoo Yaafee Gommo getteyemmone; xalleyaaneenaꞌo aroona besheyaachemminaꞌone; aroona hammemminaꞌo Yeer asheenaꞌo baachiye; tuusheenaꞌo aroona hamaachemminaꞌone.

Erimiyaasi 3:10

Ebi bulli tunetaanoona koote bi manee Yihudi, kootoonalli bi ceeni mulloona ta waan wotteyaaneene” iye Doono Yeeri.

Hiziqeeli 34:6

Ta bageenaꞌo guudo bullinaa geppoonooch yallyallimitinaꞌone; showoo bulliichoo shacetinaꞌone; boonoshin qaawiibeeto aalloone.

Hosee'i 10:2

Dawushechi mullechinaꞌone. Ebich boonoshi xuꞌee gatiyoon deqqemminaꞌone. Doono Yeeri boonoshi deejjee gudeenaꞌon tiichemmone. Boonoshi goyinnee xaqqee giimbeenaꞌon aalliyemmone.

Maatiyoosi 6:24

“Wotta gutte doonoyich hajjeyoon hakkemmo koniyoona aalloone. Ikkoon bi shunigaata, baroon shixxemmone; woyee ikkoon bi oogiigaata baroon hoxemmone. Ebich gijjoyich hajjeebeeti asho Yeerich hajjeyoon, wotta Yeerich hajjeebeeti asho gijjoyich hajjeyoon hakkaache.

Qolaasiyaasi 3:22

Guuninaꞌote, ittoshi dooninaꞌoyich bulli mooyona deꞌa getote. Ashoon emirikkoonaa ashi beꞌenoonoyich tuneyaanoon, kaame mulloona Doono Yeerin shatibee boonoshich hajjeebote.

1 Yowannisi 2:15

Illa alemoonaa alemooch beeto bullinon hiriggiyaahote. Alemooch beeti mooyo bulli, aroo ashi meeno qaatiibeeti mooyo, bi aafoona ciinniꞌi bi dakiibeeti mooyonaa geecoona bi yebeneebeeti mooyonane; eboshi bulli alemeexinaꞌoani Nihoo Yeer waanee waa beetinaꞌo tooneenaꞌone. Ebich koniyoona alemooch beeton bi shunigaata, Nihoo Yeerin shunaanoone.

1 Saameeli 7:3

Aroochee Saameeli Israꞌeeleenaꞌo bullich ishichiye: “Ibere mulloona Doono Yeer waan wottoon ittoshi qaawigaata, dallaawe nuggisheenaꞌonaa Ashitarooti misileenaꞌonon ittoshi waanee wokkiibote; ittoshi mulloonoo Doono Yeer waan wochibote; biich baach goyinne maddebote; biyoo Filsixeemeenaꞌo kishoochee ittoshin wodiyemmone” iye.