Shoddo 116:5 - Kafa Linguistics Project

⁵ Doono Yeeri ariqqechonaa cadiqoonane; no Nuggishoo maarechone.

Shoddo 116:5 ပူးပေါင်းရင်းမြစ်များ

Iziri 9:15

Israꞌeelee Nuggishoo Doono Yeero, ne cadiqo neene; ebich hanaach wodaꞌa, curo tunaꞌa echeto noone. Ebiyoche, no axaaxoona tookkaa ne aafooch giddeto noone; no axaaxee naboona koniyoona ne aafooch neexoon hakkaanoone” iyo.

Nehimi 9:17

Ne getoyichoo deꞌa getaaneenaꞌone; boonoshi daggooch ne tuniiti gaakkechi shuunoon shalligaaneenaꞌone. Babbereheete; Gibitsee showooch, guuchittinooch wottoyich boonoshin yaabemmi ukkiroon kaacciyeete. Tunebaani ne, gondoon maarecho, shoodecho, ariqqecho, kaaroyich nibbechonaa wodde shunnechona tuneti Nuggishoo neene; ebich boonoshin qayaano neene.

Nehimi 9:31

Tunebaani ne, shoodechonaa ariqqechona tuneti Nuggishoo ne tunetoyich, ne ariqqee woddoochee tiyitona boonoshin ciroona aalliyaano neene; boonoshin qayaano neene.

Nehimi 9:33

Gibeneeto tunaꞌa ibere mooyon tuniito neene; tunebaani no, axaaxoon shuuneto noone; ebich no toommooch shaggiti iritoo bullich, ne cadiqo neene.

Nehimi 9:8

Neech gibeneeto bi tunoon beeggehine; Kanaaneenaꞌo showoon, Hiteenaꞌo showoon, Amooreenaꞌo showoon, Ferizeenaꞌo showoon, Yebuseenaꞌo showoonaa Girigaasheenaꞌo showoonon biinnaa bi shiijjereenaꞌonoyich imoyich, biinna tookkaa wogoon giyehine; cadiqo ne tunetoyich, ne qaaroon ceechihine.

Shoddo 103:8

Doono Yeeri maarechonaa ariqqechonane; kaaroyich nibbechonaa wodde shoodechonane.

Shoddo 112:4

Deꞌo, ariqqechonaa cadiqoona bi tunetoyich, kaame ashich manderoochaa bekko koojjemmone.

Shoddo 115:1

Nooch tuneyaanoon, Doono Yeero, nooch tuneyaanoon, ne shoodoonaa ne gibeneyoonoyich, ne shigoyich oogo tunebe.

Shoddo 119:137

Doono Yeero, ne cadiqo neene; ne dayinneto dabaalloone.

Shoddo 145:17

Doono Yeeri bi gommo bullina cadiqoone; bi shuunoo bullina deꞌoone.

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Shoddo 86:5

Ta Doonocho, ne, deꞌoonaa maarechona neene; neen ceeggiibeeto bullich, wodde shoodecho neene.

Isiyaasi 45:21

Getote; ittoshi taggoon yaaꞌote; ikkotteree koceebote. Ebin shiichiꞌi gettito konine? Ebin wonna awaajjito konine? Doono Yeeri ta toone? Tayee bare nuggishoo aalloone; Cadiqoonaa Wodiyechona tuneto, tayee bare nuggishoo aalloone.

Erimiyaasi 12:1

Doono Yeero, neenna ta taggeti aabo bullin, ne cadiqo neene; tunebaani ne dayinnetee mooyon eke echebona; axaaxechinaꞌochi gommo kaameebeeto amoyichiye? Dawushechinaꞌo bullich beemo gaaweebeeto amoyichiye?

Daaneeli 9:14

Ebich no Nuggishoo Doono Yeero, naxoon no toommooch qanniiꞌa deebehine. Ebin ne tuniito, ne getteton deꞌa iyaꞌa waayo no qajjetoyichiye; wottoo ne tuniibeeti mooyo bullina cadiqo ne tunetoyichiye.

Daaneeli 9:7

“Ta Doonocho, ne, cadiqo neene. Tunebaani no hanaach yeelleto noone. Ebiyoo Yihudee asheenaꞌonaa Yerusaalem beeti asheenaꞌona, katinoonaa wohonooch boonoshin ne shacceti showoo bulliich beeti Israꞌeelee asho no bulliyoo neech gibeneeto tunoon no qajjetoyichiye.

Daaneeli 9:9

No Doono no Nuggishoocho, ne toommooch hukkoon shuuneto no tunetaanoona, ne, ariqqechonaa maarechona neene.

Efesooni 2:4

Tunebaani Yeerichi ariqqo oogichii bi woddetoyich, noon bi shunniti shunee beshoochee tiyitona

1 Ximootiyoosi 1:14

No Doono Yeerichi wojjoo, Kiristoos Yesuusina noocho tuneti mullee tooꞌiyoonaa shunoona tookkii beshaa besho tuneꞌi taach ichehe.

1 Yowannisi 1:9

Tunetaa no axaaxoon Yeerich no aannigaata, biyoo no axaaxoon maaroonaa no gondo bulliichee noon xalliyoonoyich, gibeneetonaa cadiqoonane.