Shoddo 115:4 - Kafa Linguistics Project

⁴ Boonoshi shahalleenaꞌo birewoonaa aachoonoochee, ashi kishoona shuuneetinaꞌone.

Shoddo 115:4 ပူးပေါင်းရင်းမြစ်များ

1 Taateenaꞌo 18:26

Boonoshich icheti wuron daammiꞌi qanniiheete. Haroochee aabee daggemmi wottoon, “Baꞌaaloocho, no qolloon waayebe” iibee boonoshi nuggishoochi shigoon ceeggiyeete. Tunebaani qaareto, boonoshi qolloonoo waayeto aalloone. Boonoshi shuuneti deejjee gudee gaꞌoochaanoo yubbeheete.

1 Taateenaꞌo 18:29

Showoo beshetoyee gubb womikkee deejjoo giddeebeeti saatee wottoon geyee beeheete. Tunebaani qaareto, ebin aaxxiito, boonoshi qolloonoo waayeto aalloone.

2 Taateenaꞌo 19:18

boonoshi nuggisheenaꞌochi misilonoo qaaqqooch duppiꞌi michitinaꞌone; mixonaa xaqqoonoochee shuuneeti, ashi kishee shuuneenaꞌoani, nuggisheenaꞌo tuno boonoshi qajjitoyich, aalletinaꞌone.

2 Kiinoo 32:19

Boonoshiyoo ashi kishoona shuuneeti, aageteenaꞌochi nuggisheenaꞌo toommooch boonoshi yibbaatetoommon, Yerusaalemi Nuggishoo toommooch yibbaateheete.

Shoddo 97:7

Shahalleenaꞌoyich goyinnee beetinaꞌonaa boonoshina yebenee beetinaꞌona, yeellemminaꞌone; nuggisheenaꞌote, bi aafooch goyinnebote.

Isiyaasi 37:19

boonoshi nuggisheenaꞌochi misilonoo qaaqqooch duppiꞌi michitinaꞌone; mixonaa xaqqoonoochee shuuneeti, ashi kishee shuuneenaꞌoani, nuggisheenaꞌo tuno boonoshi qajjitoyich, aalletinaꞌone.

Isiyaasi 42:17

Shahalleenaꞌon gibenee beetinaꞌo, misileenaꞌon ‘Ittoshi no nuggishoo ittoshine’ ii beetinaꞌo yeelleree, gubb wottemminaꞌone” iye.

Isiyaasi 44:10

Amoyichona gaacaani nuggishoon shuuneebeeto woyee misiloon qiiciibeeto konine?

Isiyaasi 44:20

Tulloon baaxxiye; muricechi bi mullo biin muriciitone; bi qelloon wodiyoon woyee “Ebi ta qanne kishooch beeto koote mooyo toone?” geton hakkaache.

Isiyaasi 44:9

Shahalleenaꞌon shuunee beetinaꞌo bulli duubeenaꞌone; boonoshi aaxxiibeeti mooyinaꞌoo gaacaalleenaꞌone; boonoshi miixeenaꞌo ciinaacheete; amoonolla ariyaacheete; ebich yeellemminaꞌone.

Daaneeli 3:5

‘Xurumbee qaaroon, tiimbe qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon ittoshi waayegaata, ta neechiti, aachoochee shuuneeti misiloyich baroona guuferee goyinnebote!

Daaneeli 5:23

Ne qelloon shimaajji Nuggishoyee damba tuniyaꞌa, bi yaafee kechi uyee qiiceenaꞌo woyemmoyich tuniihine. Ne, ne iraasheenaꞌo, ne mecheenaꞌonaa ne naamacheenaꞌona aroona woyinee uyoon uchiyote. Uchiibee birewoochee, aachoochee, gooshoochee, xuuroochee, mixonaa xaqqoonoochee shuuneeti, ciinon, waayoonaa ariyoonon hakkaani, nuggisheenaꞌochi misiloon galletehote. Tunebaani ne kashoon, ne shaaddo bullinoo bi kishooch yechiti Nuggishoon oogiyaano neene.

Hosee'i 8:6

Ebiyoo Israꞌeeleenaꞌo daggooch tunehe. Shuunee ariyecho shuuneti ebi maanji shahalloo nuggishoo toonoone. Ebi Shamaari katemeexi maanji shahalloo tiishe buricemmone.

Mishiraachechinaꞌo 19:26

Tunebaani hini Phawuloosi ‘Ashi kishoona shuuneeti malleteenaꞌo nuggisheenaꞌo tooneenaꞌone’ ii beetone; Efesooni katemooch baach tuneyaanoon giisheche katemoyee besh, Isiyee showoo bulliich beeti meeti asheenaꞌo bi yibbaatoon iberoo tuniiꞌi boonoshi muricon beeggiibeeto, waayeenoo beeto ittoshine.

Mishiraachechinaꞌo 19:35

Ebiyee gubb, are katemee ukkiroo asheenaꞌon ellebote iꞌi tiyii ishichiye: “Hini Efesooni asheenaꞌote, Efesooni katemoo ooge Arixeemisichi yaafee kexonaa shimaayoochee kinditi bi malletoonon quyecho bi tunoon ariyaani asho, konine?

Yibbaatoo 4:28

Ebi aroochaa ciinon woyee waayoon woyee mamon woyee shiiqqoon hakkaani, mixoochee woyee xaqqoochee, ashi kishoona shuuneeti nuggisheenaꞌoyich goyinne maddemmo ittoshine.