8 Aroo xaqqoon kote aach, shiishe xaqqoonoo tunee aach, wochitone.
Boonoshi shaacoyich shimaayoochee koshon immehine; boonoshi shachewoyich xaqqoochee aacon kichihine; boonoshich imma wogoon ne giyeti showoon giyiree boonoshi woraashemmoyich gettehine.
Xaqqoon bi gaahaa aaco xuupphiye; woce aacochoommon barahooch wocciye.
Barahoon kote aachi xaaꞌoo shuuꞌi showoonoo aachi tunoo, tuniihe.
Tawoo Kooreebi guudooch beeti xaqqee toommoochaa ne aafooch neexemmo taane; xaqqoonoo yexe. Asheenaꞌo uchemmoyich aroochee aaco xuupphemmone” iye. Ebich Muusi Israꞌeelee ukkireenaꞌo aafoochaa ebin tuniihe.
Muusiyoo bi gumboon kaama tiijjiꞌi, xaqqoon gutte wottoon mutehe. Ooge aaco xuupphiꞌi kechiye. Iiteenaꞌonaa boonoshi gijjeenaꞌona uchiyeete.
boonoshi bulliyoo ikke ayaanee uyoon uchiyeete; ebinoo boonoshin dabbiibeeti ayaanee Xaqqee Inderoochee uchitinaꞌone; are ayaanee Xaqqee Inderoo Kiristoosine.
Biyoo qoppiibeeti dingeroonaa barahee machoona beeti, shaꞌetaa ciireyaani shattiibeeti barahoona, neen yaabiye. Ebi aachaalli shuuꞌi showoochaa shiishe xaqqoochee aaco neech bi xuupphemmoyich tuniihe.