Shoddo 112:3 - Kafa Linguistics Project

³ Gaannoonaa adduunoona bi kexooch tunemmone; bi cadiqoo bulli yemeenoon beeyemmone.

Shoddo 112:3 ပူးပေါင်းရင်းမြစ်များ

Iyoobi 5:24

Ne kexo diggoo bi tunoon beeggemmo neene; ne bageenaꞌon ne ciinaa, boonoshiichee ikkolla aalleyaachemmone.

Shoddo 111:10

Ariyoo bulliyee shiichoo Doono Yeerin shatone; biin shattii beetinaꞌo gaawe shalligechinaꞌone; biyoo bulli yemeenoon galletee beeyemmone.

Shoddo 111:3

Doono Yeerichi shuunoo oogoonaa oogee yiirechonane; bi cadiqoo bulli yemeenoon manji beeyemmone.

Shoddo 112:9

Mulloochee tiijjiꞌi girechinaꞌoyich immiye; bi cadiqoo bulli yemeenoon beeyemmone; biyoo giidechonaa moogeetona tunemmone.

Shoddo 34:10

More daahereenaꞌo boonoshi maayemmon mucceꞌi shaacoon hakkiyeete; tunebaani Doono Yeerin qaawii beetinaꞌo amoonolla mucceyaacheete.

Shoddo 34:11

Ta bushiisheenaꞌote, waaree ta waanee ellebote; Doono Yeerin shaton ittoshich dojjemmo taane.

Shaahiyoo 15:6

Cadiqeenaꞌo kexooch wodde gaanno ceennitone; tunebaani gondeenaꞌo daneebeeti gijjoo boonoshich xuuxoon deebemmone.

Shaahiyoo 21:20

Aaxxe qiicoonaa aaxxe zayitoona mullecho kexoochiye; tunebaani mullaalli asho ebin shaccii aalliihe.

Shaahiyoo 3:16

Bi qanne kishooch eeni genjo beetone; bi yooche kishooch gaannoonaa oogoona beetone.

Isiyaasi 32:17

Ebi cadiqee aafo diggoon deebemmone; tooqqii kashoonaa gibenoona bulli yemeenoon showee toommooch tunemmone.

Isiyaasi 33:6

Arooba, ittoshi yemeenoon manjoo tuniyemmone; ittoshich wodoon, ariyoonaa shalligoonon immemmone; Doono Yeerin shato boonoshich aaxxe gaannoon tunemmone.

Isiyaasi 51:8

Tahoochoommon pilo boonoshin maayemmone; bagee eexochoommon hipperoo boonoshin maayemmone; tunebaani ta cadiqoo bulli yemeenooch beeyemmone; ta wodiyoo bulli shiijjerooch beeyemmone” iye.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

2 Qorontoosi 6:10

Ayinikkiti mooyo no toommooch bi shaggitaa, bulli aaboon emiriyone; girecho no tunetaa, meetinaꞌon gaannecho tuniihone; amolla nooch aallo bi tunetaa, bulli mooyo noochone.