Shoddo 112:10 - Kafa Linguistics Project

¹⁰ Gonde asho ebin beegiree ippemmone; gasho shaaccemmone; muuyishoo gettemmone; gondeenaꞌochi qaatoo duubemmone.

Shoddo 112:10 ပူးပေါင်းရင်းမြစ်များ

Nehimi 2:10

Horoonee asho Sanbalaxinaa Amoonee asho, iraashoo Xobbiyina hini mooyon boonoshi waayehooba, Israꞌeelee shiijjereenaꞌoyich gaawe mooyon qaawiibeeti asho bi waatoyich, oogichiꞌi ippeheete.

Iyoobi 20:7

quttoochoommon tiyi ciroona aallemmone; biin ariibeeti asheenaꞌo, ‘Amooch kechii aallehe?’ getiree echemminaꞌone.

Iyoobi 8:13

Yeerin batteebeeti asheenaꞌochi ciiro ebiyoommone; Yeerich qeyaani asheenaꞌochi gibeno ebiyoommon aallemmone.

Shoddo 37:12

Gonde asho cadiqo toommooch koceehe; biichoo gashoon shaacciye.

Shoddo 86:17

Doono Yeero, taan ne gaachoonaa ne goggiyoonon, taan shixxii beetinaꞌo beegiree yeellemmoyich, taan gaawe aafoona ne ciinni malletoon taach bekkiibe.

Shaahiyoo 10:28

Cadiqe ashi gibenee taco emiroone; tunebaani gonde ashi gibeno duube echemmone.

Shaahiyoo 11:7

Gonde asho qitiyooba bi gibeno qitemmone; bi hakkoon gibeneꞌi bi yebeneti yebenoo aallemmone.

Maatiyoosi 22:13

“Arooba taatoo bi naayinaꞌon ‘Hini uroon bi kishoonaa bi baatoonon cuyiree maach manderooch kichi dufote. Aroochaa eefonaa gashee qaayona tunemmone’ iye.

Maatiyoosi 8:12

Tunetaa ‘Shimaajji taatittine noochine’ ii beetinaꞌo maach manderooch kichaa duppeyemminaꞌone; aroochaa eefonaa gashee qaayona boonoshich tunemmone” iye.

Luqaasi 13:28

“Abrahaminaa Yisaaqina, Yaaqobinaa keemechinaꞌo bullina Yeerichi taatittineech giyii boonoshi kotoon ittoshi beegiyooba, ittoshiyoo maaxooch dupperee echeechi, aroochaa eefonaa gashee qaayona ittoshich tunemmone.