Shoddo 110:3 - Kafa Linguistics Project

³ Koyooch ne keyiyooba, ne asheenaꞌo boonoshi qelloon neech beshii immemminaꞌone; gurimaashe ne asheenaꞌo haree doshoo (caagibano) kindoommon, yaafeeti geppooch, ne waan woyemminaꞌone.

Shoddo 110:3 ပူးပေါင်းရင်းမြစ်များ

1 Kiinoo 16:29

Bi shigoyich bede oogoon Doono Yeerich deebote; buuroon yeshiree bi aafooch wobote; bi yaafittino koojjii aaxxeebeeti Doono Yeerich goyinnebote.

Nehimi 11:2

Ebi echeti asheenaꞌo Yerusaalem kotoyich daaggitinaꞌo bullin diiriyeete.

Shoddo 29:2

Bi shigoyich bede oogoon Doono Yeerich deebote; bi yaafittino koojjii aaxxeebeeti Doono Yeerich goyinnebote.

Shoddo 96:9

Bi yaafittino koojjii aaxxeebeeti Doono Yeerich goyinnebote; showee toommo bulliich beeti asheenaꞌote, bi aafooch qewebote.

Hiziqeeli 43:12

“Yaafee kechi sheeroo ebine: Guudi toommooch yaafee kechi guudoona beeti xaaꞌoo bulli oogichii yaafeeton tunemmone; yaafee kechi sheeroo ebine” iye.

Mikiyaasi 5:6

Boonoshiyoo Namiroodichi showoo tuneti Asooree showoon koyi wochiree hajjemminaꞌone; Asooreenaꞌo no showoon koyigaata, no showee daarooch shagigaata, bi boonoshi waanee noon wodiyemminaꞌone.

Mishiraachechinaꞌo 1:8

Tunebaani Yaafe Ayaano ittoshi toommooch bi kindiyooba, giidoon danemmo ittoshine. Arooba Yerusaalem, Yihudee showoo bulliich, Shamaaree showooch, showee tuggo bulliichoo ta mooyon miixemmo ittoshine” iye.

Mishiraachechinaꞌo 19:20

Ebiyoommi gommona Doonochi qaaro gaminnii, wudoonoo danee hammiye.

Mishiraachechinaꞌo 2:33

Andoo Yeerichi qanne badd oogoona koteꞌi bi Nihoo Yeeri gibenikkiti Yaafe Ayaanoon bi waanee deqqiꞌi, hini and ittoshi beeggii beetonaa waayee beetonon ukkiye.

Mishiraachechinaꞌo 2:41

Aroochee Pheexiroosi gettiti yibbaatoon waayeꞌi, iberiitinaꞌo aacona afaalleeheete. Ebina keejje hum bede asheenaꞌo Yesuusichi asheenaꞌo toommooch daakkeeheete.

Mishiraachechinaꞌo 21:20

Hini are geeneenaꞌo ebin waayeꞌi Yeerin galleteheete. Phawuloosichoo ishichiyeete: “Manoocho, Ayihudeenaꞌo daggoochee boonoshi mulloon Yesuusi toommooch tooꞌiitinaꞌo ambiche humeenaꞌo gaata beeggaabeeto neene; boonoshi bulli Muusichi Sheeroyich qanaatee beetinaꞌone.

Mishiraachechinaꞌo 4:4

Tunebaani Yeerichi qaaroon waayetinaꞌo daggoochee meetinaꞌo boonoshi mulloon Yesuusi toommooch tooꞌiiheete. Yesuusi toommooch mulloon tooꞌiiti anaaminaꞌo aafichinaꞌona tookkii uuche hum bedoon tuneheete.

2 Qorontoosi 13:4

Biyoo hakka guutoo tuneꞌi masqalee toommooch yoodaa bi qititaanona, and Yeerichi giidoona kashoona beetone. Nowoo wotta biichoommon hakka guutoo tuneto noone; tunebaani ittoshina tookkii noon daniibeeti mooyona Yeerichi giidoona biinna tookki kashechon tuneree beeyemmo noone.

2 Qorontoosi 8:12

Imoyich daaggiti asho bi beegaata, Yeeri qaawiibeeto, biich beetoochee imonalli, aalloochee toonoone.

2 Qorontoosi 8:16

Ittoshin gaachoyich no gabaa beetoommon Titoosiyoo wotta ebiyoommon ittoshich bi gabemmoyich tuniiti Yeeri galleteebe.

Efesooni 1:4

Alemo halleyaan beetaa, bi aafooch yaafoonaa bachaalloonon no tunemmoyich Kiristoosina noon kaacciye; Yeeri noon bi shunnitoyich,

1 Tasaloonqi 4:7

Yeeri noon bi ceeggito, yaafittinoona no beeyemmoyichalli, eeꞌe mooyon no shuunemmoyich toonoone.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Hibireena'o 13:21

bi daaggoon ittoshi tuniyemmoyich, gaaweto tuneti mooyo bullin ittoshich imbe; biin emirikkiibeeti mooyon Yesuus Kiristoos waanaa no bullina shuunebe. Yesuus Kiristoosichoo bulli yemeenoon galleto tunebe. Ameena.

Yaaꞌoo 7:9

Aroyee gubb ciinneho; areegaata aagetoo bulliichee, ashi yoodo bulliichee, ashi yaroo bulliichee, asho yibbaateebeeti noonoo bulliichee kiceeti, haddaa ciyaani dofee asheenaꞌon beeggeho. Nacce tahoon tahee yeebbee waamon yechiꞌi taatee qeenonaa Bagoonochi aafooch neexeheete.

Woraaferasheenaꞌo 5:2

“Iraasheenaꞌo, Israꞌeelee showee daggoochaa, boonoshi yaabii qeejjitoyich, asheenaꞌoo daaggiꞌi boonoshi kashoon beshii boonoshi immitoyich, Doono Yeeri galleteebe.

Woraaferasheenaꞌo 5:9

Ta mullo Israꞌeelee ginee iraasheenaꞌona tookkiiniye; boonoshi kashoon daaggiꞌi immiti asheenaꞌona tookkiiniye. Doono Yeeri galleteebe.