Shoddo 110:1 - Kafa Linguistics Project

¹ Doono Yeeri ta Doonoyich ishichiye: “Ne etteenaꞌon ne baatee dechiich ta tuniimmi wottoon ta qannooch kotebe” iye.

Shoddo 110:1 ပူးပေါင်းရင်းမြစ်များ

1 Kiinoo 28:2

Aroochee taatoo Daawiti tiyii neexeechii ishichiye: “Ta maneenaꞌonaa ta asheenaꞌonote, hach ellebote; Doono Yeerichi wogee taabooto kotemmonaa no Nuggishoochi baatoo kashemmonoyich kexon hagga ta mulloona gabiyoye; shuunoyichoo qaawii beeton qanniihoye.

Shoddo 109:20

Taan gondii yibbaatee beetinaꞌoyich, taan taggee beetinaꞌoyich, Doono Yeeri ebin qoce.

Shoddo 8:1

No Doono Yeero, ne shigo showee toommo bulliich oogichii arichetone; ne galleto damba shimaayoyee beshitone.

Shoddo 8:6

Ne kisheenaꞌochi shuunoo bulli toommooch ukkiriihine; bullinoo bi baatee dechiich hajjiihine.

Zakaariyaasi 6:13

Doono Yeerichi yaafee kexon haggemmo biine. Taatee oogoon deꞌiree, taatee qeenooch koteechi bi asheenaꞌon qeejjemmone; bi taatee qeechi gaꞌoochoo qeeshoon tunemmone. Guttiyona ikkittinoona, diggoona shuunemminaꞌone’ itone gete.

Maatiyoosi 26:64

Yesuusi wochiꞌi, “Ne getteto neene; tunebaani ittoshich gettoye: Ebiyee damba Ashi Bushoo Giidechi Yeerichi qanne badd bi kotetaa, wotta shimaajji qubee toommoochoo koteree bi waataa beeggemmo ittoshine” iye.

Maariqoosi 16:19

Doono Yesuusi ishin bi dabbeenaꞌoyich bi gettitoyee gubb, shimaajj kechiꞌi Yeerichi qannooch kotehe.

Luqaasi 22:41

Biyoo boonoshiyee xaqqee awur bedoon wokkiꞌi guteneechii,

Qolaasiyaasi 3:1

Illa Kiristoosina tookkii qitoochee ittoshi tiyitoyee, Yeerichi qanne badd Kiristoosi koteꞌi beetooch damba shimaajj beeti mooyon gabibote.

Hibireena'o 1:13

Tunebaani maraakeenaꞌo daggoochee konichiye Yeeri, “Ne etteenaꞌon ne baatee dechiich ta tuniimmi wottoon, ta qannooch kotebe” bi ito?

Hibireena'o 1:3

Biyoo worganikkiti Yeerichi oogee yiiree bekkoonaa bi shuriyoonochi shaahoona tuneechii, bulli mooyon giidechi bi qaaroona deggii yechitone; no axaaxoon bi xalliitoyee gubb, shimaayooch Yeerichi oogee yiiree qannooch kotehe.

Hibireena'o 8:1

No gettaabeeti mooyoochee aafechi mooyo ebine: Shimaayooch oogee yiirechi Yeerichi qannooch koteti, ebiyoommi qeeshee guudo nooch beetone.

1 Pheexiroosi 3:22

Yesuus Kiristoosiyoo damba shimaayooch kechiꞌi Yeerichi qanne badd beetone; arooch beeti maraakeenaꞌo, shimaayeexi ukkireenaꞌonaa giidechinaꞌo bullina biich hajjee beetinaꞌone.