Shoddo 11:1 - Kafa Linguistics Project

¹ Doono Yeeri shoobooch giyeto taane; ishigaata aabichiꞌi taan, “Kafoochoommon guudi toommooch biite” iyote?

Shoddo 11:1 ပူးပေါင်းရင်းမြစ်များ

2 Kiinoo 14:11

Aasi bi Nuggishoo Doono Yeer waan ishichiꞌi cookiye: “Doono Yeero, hakka guuteenaꞌon hakkechinaꞌo waanee gaacheebeeto neenoommo koniyoona aalloone. No Nuggishoo Doono Yeero, neen no gibenetoyich, ne shigoona hini mattiqutte ginee naayona koyemmo noone; noon gaachebe. Doono Yeero, no Nuggishoo neene; asho neen kochii wochoon hakkaache” iye.

2 Kiinoo 16:8

Topphiyee asheenaꞌonaa Liibiyee asheenaꞌoyich dofee haresheenaꞌonaa gaarinaꞌonon yechiti meeti ginee naayinaꞌo beetinaꞌo toone? Tunetaanoona Doono Yeerin ne gibenetoyich, ne kishooch beshiiꞌi immiye.

Nehimi 6:11

Tunebaani ta “Taanoommi asho aash beddiye? Taanoommi asho bi kashoon wodiyoyich yaafee kexooch giyi beddiye? Ta giyaache” iyo.

Shoddo 16:1

Yeero, ne shoobooch ta giyetoyich, taan quyebe.

Shoddo 25:2

Ta Nuggishoocho, neen gibeneto taane; ta yeellemmoyich tuniyaahine. Ta etteenaꞌo taan coonaayeete.

Shoddo 31:14

Tunebaani Doono Yeero, ta neen gibenehoye; “Ne ta Nuggishoo neene” iyoye.

Shoddo 56:11

biin gibeneto taane; shataache; asho taan amoon halleshone?

Shoddo 7:1

Ta Nuggishoo Doono Yeero, ne shoobooch giyeto taane; taan yookkii beetinaꞌo kishoochee taan shiwe wodiibe;

Shoddo 7:2

ebi tuno qayigaata, daaheroochoommon geechi daamiree, wodiyemmo aalloochaa taan yangixxemminaꞌone.

Shoddo 9:10

Doono Yeero, neen gibenee beetinaꞌon dufaano ne tunetoyich, ne shigoon arii beetinaꞌo bulli neen gibeneheete.

Shaahiyoo 6:5

Xiixxee aaddoo kishoochee, kafee kamboochee bi muricoommon newoo ne qelloon wodiibe.

Erimiyaasi 48:14

“Ittoshi aabichiꞌi, ‘Hakkecho noone; koyoochaanoo giidecho noone’ iyote?

Luqaasi 13:31

Arooba Fariseenaꞌo daggoochee ikkikkeenaꞌo Yesuus waan giddeꞌi, “Heroodisi neen wuxiya qaawii beetone. Ebich hiniichee tiyiree hambe” iyeete.

1 Saameeli 19:11

Saaꞌooli aroobee xum Daawiti kexon giishi qeyiree bi yaachi maaddoon biin boonoshi wuxemmoyich, asheenaꞌon daachiihe. Tunebaani Daawiti mechee Mikaali Daawitich “Hanaachi xum muriccaa wodoo ne qayigaata, yaach maaddoona qitecho neene” iyan.

1 Saameeli 20:38

Afaafinebe; kaatebe; yagiyaahine” iye. Bushoo shangeenaꞌon maciꞌi bi doono waan wottehe.

1 Saameeli 22:3

Daawiti aroochee tiyiꞌi, Moꞌabee showooch beeti Mitsipha hammiye. Moꞌabee taatoyichoo “Yeeri taach tuniimmi mooyon ta ariimmi wottoon, ta nihoonaa ta indeena waaree ne waan beebeete” iye.

1 Saameeli 23:14

Daawiti barahooch beeti mishigoonaa Ziifi barahooch beeti geppe showoonooch aasheꞌi beehe. Saaꞌooliyoo biin qemi qemona qaawii beehe. Tunebaani Yeeri bi kishooch beshiiꞌi biin imaanoone.

1 Saameeli 27:1

Tunebaani Daawiti bi mulloona “Ikke areddoon Saaꞌooli taan wuxoon qayaachemmone. Ebich muricciꞌi Filsixeemeenaꞌo showooch hamoyee besh, taach bare gaawe mooyo aalloone. Aroochee Saaꞌooli Israꞌeelee showoo bulliich taan qaawoon qajjemmone. Tawoo bi kishoochee muriccemmo taane” iꞌi gabiye.