Shoddo 109:22 - Kafa Linguistics Project

²² Ta, girechonaa amaalloona ta tunetoyich, ta mulloo buricehe.

Shoddo 109:22 ပူးပေါင်းရင်းမြစ်များ

2 Taateenaꞌo 4:27

Aroochee Yeer asho beeti guudi toommooch shaggaa dihiichaa, bi baatoon gaappaa yechahan. Giyaazi biin wokkiiya waahe. Tunebaani Yeer asho biich, “Qaye; bi kashe caammetine. Doono Yeeri ebin taach aachitone. Taachoo getaanoone” iye.

Iyoobi 6:4

Beshe Hakkechi Yeeri xuppattechi bi shangoona taan kochitone; ebi xuppatto ta achee daggooch shacetone; keqqichiti Yeerichi mooyon, yaaroona ta waan wochiꞌi neechitone.

Shoddo 102:4

Gacheti mocoo shoolloommon shoollito taane; maayo taan shaatiye.

Shoddo 109:16

Girechon, amaalloonaa bi mulloo tiishetonon, qitooch beddaahaa xuqqiyani, ariqqecho tunoon gabaanoone.

Shoddo 22:6

Tunebaani ta hipperoo taane; asho toono taane; ashoona cooneyaꞌa hoxeeto taane.

Shoddo 25:16

Ta, shiqqoonaa xukketona ta tunetoyich, ta waan wotteree, taach ariqqebe.

Shoddo 40:17

Ta, girecho, amaalli hulloo taane; tunebaani Doono taach gabemmone. Ne, ta gaachoonaa taan wodiyechona neene; ta Nuggishoocho, yagiyaahine.

Shoddo 86:1

Doono Yeero, girechonaa amaalli hulloona ta tunetoyich, ne waamon ta waan gaꞌiiree ta qolloon waayebe.

Isiyaasi 53:3

Biyoo ashoona shixxetonaa hoxeetonane; biiyoonaa xuuxoona biyee baraani ashoone; asho bi waanee aafoon badd wochiti, hoxeeti ashoone; nowoo biin oogiyaano noone.

Maatiyoosi 8:20

Yesuusiyoo “Boqqelleenaꞌoyich oppo, shimaajji kafeenaꞌoyichoo kexo beetone; ebi tunemmona Ashi Bushoyich giyi bi qeyemmi xaaꞌoo aalloone” iye.

Luqaasi 22:44

Biyoo oogichii xuuxeebee aafichoyee beshoon corootiye; damoo cotoommon caajjo bi achoochee showooch cottiye.

Yowannisi 12:27

“And ta kashe xuuxetine; ama getote? ‘Ta Nihoocho, hanaach ta toommooch woyemmi xuuxoochee taan wodiibe’ getote? Tunetaa hini hanaachi xuuxoon beegoyichiye ta waato.

2 Qorontoosi 8:9

No Doono Yesuus Kiristoosichi gaawe wojjoon ariito ittoshine; aroo amoommon gaannecho bi tunetaanoona, bi giroona gaannecho ittoshi tunemmoyich, ittoshicha iꞌi girechon tunehe.