Shoddo 106:45 - Kafa Linguistics Project

⁴⁵ Boonoshich bi wogoon gabiye; beshaa beshe bi shoodoommona boonoshin ariqqehe.

Shoddo 106:45 ပူးပေါင်းရင်းမြစ်များ

2 Saameeli 24:16

Doono Yeerichi maraakoo Yerusaalemin aalliiya bi kishoon bi yaggimmona Doono Yeeri ebi qaaꞌi mooyoyich ayiniꞌi, ebi aalliibeeti maraakoon, “Beddiye; ne kishoon wochibe” iye. Areegaata, are maraakoo beeto, Yebusee asho Orinaani maayi buchi xaaꞌee gaꞌoochiye.

2 Taateenaꞌo 13:23

Tunebaani Doono Yeeri gaawe aafoona boonoshin ciinniye; boonoshichoo ariqqehe; Abrahamina, Yisaaqinaa Yaaqobina tookkii bi giyiti wogoyicha iꞌi boonoshich deehe; boonoshin aalliyoon qaawaanoone; and beddaahaa bi aafoochee boonoshin yoohaanoone.

Shoddo 105:8

Bi giyiti wogoon bulli yemeenooch, bi gettiti qaaroonoo hume shiijjerooch beddaahaa, batteyaache.

Shoddo 135:14

Doono Yeeri bi asheenaꞌoyich nallemmone; bi maddechinaꞌoyichoo ariqqemmone.

Shoddo 136:23

No coonehooba noon gabito, bulli yemeenoon shoodechone.

Shoddo 51:1

Yeero, ne shoodoommona taan maaribe; ne ariqqee woddoommona ta axaaxoon hidi aalliibe.

Shoddo 69:16

Doono Yeero, ne gaawe shoodoona ta qolloon waayebe; wodde ne ariqqoommona ta waan wottebe.

Shoddo 90:13

Doono Yeero, noon ne kaare beeyemmo aati wottooniye? Ne guuno no waan wotteree, nooch ariqqebe.

Keyo 32:14

Doono Yeeriyoo bi gaboon shaddiꞌi, bi asheenaꞌo toommooch deeba bi gabiti mooyon deebaanoon qajjiye.

Isiyaasi 63:7

Doono Yeerichi shoodoon, Doono Yeerichi galletoon, Doono Yeeri nooch tuniito bullin, bi ariqqoon, oogeti bi shoodoonoo, Israꞌeeleenaꞌoyich bi deeti deꞌoon, gettemmo taane.

Erimiyaasi 18:8

biichon ta getteti ebi aagetee showoo bi gondoochee bi wottegaata, bi toommooch tuniiya ta gabiti gonde mooyon tuniyaachemmo taane.

Shoosho 3:32

bi ayinikkiteenona beshaa beshe bi shoodoona ariqqemmone.

Hiziqeeli 16:60

Tunebaani ne bushittinooba neenna tookkii ta giyeti wogoon shalligemmo taane; neenna tookki bulli yemeenee wogoon manjiyemmo taane.

Hosee'i 11:8

Efreemo, aabichiree neen duppehote? Israꞌeelo, aabichiree neen beshii immehote? Adiimaa ta tuniitoommon aabichiree ne toommooch tuniyehote? Tseboyimaa ta tuniitoommon aabichiree ne toommooch tuniyehote? Ta mullo ta maacoochaa qewetone; taanoo ariqqichitone.

Leweenaꞌo 26:45

Aagetee asheenaꞌo ciinnii beetaa, boonoshi Nuggishoo tunoyich Gibitsee kichaa ta deebeti boonoshi qaabbechinaꞌona tookkaa ta giyeti wogoon shalligemmo taane. Ta, Doono Yeeri taane itone’ gete” iye.

Amootsi 7:3

Ebich Doono Yeeri bi gaboon shaddiꞌi, “Ishigaata, illa ebi ne beeggeti mooyo tuneyaachemmone” iye.

Amootsi 7:6

Ebich Doono Yeeri bi gaboon shaddiꞌi, “Ishigaata, ebiyoo wotta tuneyaachemmone” iye.

Yibbaatoo 32:36

“Boonoshi giidoo qayon, guuno tuneba doono, koniyoona echee qayon bi beegiyooba, Doono Yeeri bi asheenaꞌoyich nallemmone; bi guuninaꞌoyichoo ariqqemmone.

Woraaferasheenaꞌo 10:16

Aroochee dallaawe nuggisheenaꞌon boonoshi daggoochee wokkiichii, Doono Yeerich goyinnee maddeheete. Doono Yeeriyoo Israꞌeeleenaꞌochi duꞌoyich oogeton ayiniye.

Woraaferasheenaꞌo 2:18

Doono Yeeri woraaferashoon tiijjiꞌi, are woraaferashoo kashoona beemmi yemeeno bullin biinna tookkii tunee bi asheenaꞌon boonoshi etteenaꞌo kishoochee wodii beehe. Boonoshi etteenaꞌo boonoshin xuqqii duꞌiitaa boonoshi maaceremmona, Doono Yeeri boonoshich ariqqee beehe.