Shoddo 106:37 - Kafa Linguistics Project

³⁷ Boonoshi anaami bushiishoonaa maache bushiishoonon, yinnoyich deejjiyeete.

Shoddo 106:37 ပူးပေါင်းရင်းမြစ်များ

2 Taateenaꞌo 16:3

Israꞌeelee taateenaꞌochi gommon dabbiye; Doono Yeeri Israꞌeeleenaꞌo aafoochee yookkii kichiti aageteenaꞌochi, ciigiiti doyoon dabboona bi bushoon qaaqqooch goggiꞌi deejjiye.

2 Taateenaꞌo 17:17

Boonoshi anaami bushiisheenaꞌonaa maache bushiisheenaꞌonon michii deejjiyeete; qaaxechinaꞌonaa kaayechinaꞌonon tuneheete; gonde mooyon tuniyoyich boonoshi qelloon beshii imona Doono Yeerin ippiiheete.

2 Taateenaꞌo 21:6

Bi hajjee bushoon goggiꞌi deejjoo giddiihe. Biyoo kaayechonaa iicechonon tunehe. Qititi ashoona tookkii yibbaatee beetinaꞌonaa allaameenaꞌona waanee keemmii waayee beehe. Wodde gonde mooyon shuunoona Doono Yeerin ippii beehe.

2 Kiinoo 11:15

Yeroboꞌami, guudi toommeexi goyinnee xaaꞌeenaꞌoochaa, bi shuuneti emmisheenaꞌonaa maaminaꞌonochi misileenaꞌoyich maddemmi, bi hajjee qeesheenaꞌon ukkiriitone.

Isiyaasi 57:5

Meellee mixinaꞌo daggoochaa, waajjechi michi baatoo bullinoochaa shunee mami qaatoona shallaaneebeeto ittoshine. Bamboochaa, xaqqee goggini daggoochaa ittoshi bushiishoon deejjiibeeto ittoshine.

Erimiyaasi 32:35

Yihudee asheenaꞌo axaaxoon shuunemmoyich, ebi eeꞌe mooyon tuniyoyich, ta getaanoon, wottoo ta mulloona ta gabaanoon, boonoshi anaami bushiisheenaꞌonaa maache bushiisheenaꞌonon qaaqqooch goggii Molookich deejjoyich, Hinoomi bushoo bambooch beeti geppeexi goyinnee xaaꞌoon Baꞌaaloyich shuunetinaꞌone” iye.

Erimiyaasi 7:31

Ta getaanoon, ta mulloonoo ta gabaanoon, boonoshi anaami bushiisheenaꞌonaa maache bushiisheenaꞌonon qaaqqoona michoyich, Hinoomi bushoo bambooch beeti Tofeeti goyinnee xaaꞌoon shuunetinaꞌone.

Hiziqeeli 20:26

Boonoshi gutenee bushiishoon qaaqqee toommooch giddii deejjoona boonoshi eeꞌee beetaa cikkii qajjoye; ta eechito, boonoshin keqqichoyich, Doono Yeeri ta tunoonoo boonoshi ariyemmoyich tuniyoyichiye’ itone gete.

Hiziqeeli 20:31

And beddaahaa deejjoon deejjoona, ittoshi bushiishoon micciibeeti deejjoo tuniiꞌi giddiyoona ebi ittoshi shahalleenaꞌona ittoshi qelloon eeꞌiiniye ittoshi beeto. Israꞌeeleenaꞌote, ishigaata ta waanee echii ittoshi waayemmoyich ittoshich daaggibote? Beeyecho ta tunoona wogehoye: Ta waanee amoonolla echii ittoshi waayemmoyich daaggaache, iye Nuggishoo Doono Yeeri.

Hiziqeeli 23:37

Shadditinaꞌone; damoo boonoshi kishooch beetone. Shahalleenaꞌona tookkii shadditinaꞌone; taach boonoshi shiyiti bushiishoon boonoshich maayi deejjoo tuniiꞌi giddiitinaꞌone.

Hiziqeeli 23:47

Ebi dofee asheenaꞌo xaqqoona boonoshin qiceete; goraadoonoo qeccebeete; boonoshi anaami bushiishoonaa maache bushiishoonon wuxibeete; boonoshi kexinaꞌon qaaqqoona michibeete.

Leweenaꞌo 17:7

Illa ebiyee damba Israꞌeeleenaꞌo emmishi shaahe yinneenaꞌoyich gijjeenaꞌon guuroona Doono Yeerich boonoshi gibeneyoon shappayaayeete. Ebi Israꞌeeleenaꞌo boonoshi shiijjerooch beddaahaa bulli yemeenoon boonoshi quyemmi qociyoone’ gete.

Leweenaꞌo 18:21

“ ‘Ne bushiishoochee ikkoonolla Molookich bi deejjeyemmoyich beshii imona ne Nuggishoo ta shigoon naakkiyaahine. Ta, Doono Yeeri taane.

Roomi 9:20

Tunebaani haano ashoocho, ishichiree Yeerich wochemmo ne koni neene? Nuuqqoochee shuuneebeeti qiico shuuneton “Amoyich ebin tuniiꞌa taan shuunenne?” gettehe?

1 Qorontoosi 10:20

Toonoone; ta gettaabeeto, “Aageteenaꞌo deejjiibeeti deejjoo yinneenaꞌoyichani, Yeerich toonoone” iiniye. Ebich yinneenaꞌona tookki ittoshi guuphon qaawaache.

Yibbaatoo 18:10

Ne daggooch bi bushoon woyee bi busheen qaaqqooch goggiꞌi deejjiibeeto woyee allaamoo woyee kaayecho woyee mareccee maaccecho woyee qooroo,

Yibbaatoo 32:17

Nuggisheenaꞌo tuneyaani yinneenaꞌoyich, ittoshi ariyaani nuggisheenaꞌoyich, katinoon ittoshi ariiti dallaaweenaꞌoyich, ittoshi qaabbechinaꞌo goyinneyaani nuggisheenaꞌoyich, deejjoon giddiihote.