Shoddo 106:34 - Kafa Linguistics Project

³⁴ Doono Yeeri boonoshich gettitoommon, aageteenaꞌon aalliyaaneenaꞌone.

Shoddo 106:34 ပူးပေါင်းရင်းမြစ်များ

Haddoo 33:52

arooba are showeexi asheenaꞌon ittoshi aafoochee yoohi kichemmo ittoshine; xogeeti boonoshi xaqqee giimboo bullin waaxi aalliyemmo ittoshine. Boonoshi shahalloon aalliyemmo ittoshine; guudi toommeexi boonoshi goyinnee xaaꞌoon happemmo ittoshine.

Yibbaatoo 7:16

Ne Nuggishoo Doono Yeeri ne kishooch beshii immimmi asheenaꞌon wuxi aalliibe. Boonoshich ariqqeyaahine. Boonoshi nuggisheenaꞌoyich goyinneyaahine. Ebi neech olloon tunemmone.

Yibbaatoo 7:2

Ne Nuggishoo Doono Yeeri boonoshin ne kishooch beshii bi imaa, koyi wochemmo neene. Ebiyooba boonoshin ciroona hidi aalliibe. Boonoshina tookki ikkotteya wogoon giyaahine. Boonoshichoo ariqqeyaahine.

Yaasi 15:63

Tunebaani Yihudee yoodeenaꞌo Yerusaalem beeti Yebuseenaꞌon yookkii kichoon hakkaaneenaꞌone. Ebich hanaach beddaahaa Yebuseenaꞌo Yihudee asheenaꞌona tookkii Yerusaalem beetinaꞌone.

Yaasi 16:10

Tunebaani Efreemi yoodo Gezeer beeti Kanaaneenaꞌon yookkii kichaanoone. Ebich hanaach beddaahaa Kanaaneenaꞌo Efreemi yoodoochi daggooch beetinaꞌone. Ebi Kanaanee asheenaꞌo guunon tuneꞌi boonoshich maddee beetinaꞌone.

Woraaferasheenaꞌo 1:19

Doono Yeeri boonoshina tookkii bi tunetoyich, geppe showoon yechiyeete; tunebaani yimaane showooch beeti asheenaꞌoyich meeti xuuree gaari bi beetoyich, boonoshin yookkii kichoon hakkaaneenaꞌone.

Woraaferasheenaꞌo 1:21

Tunebaani Biiniyaami asheenaꞌo Yerusaalem beeti Yebuseenaꞌon yookkii kichaaneenaꞌone. Ebich Yebuseenaꞌo hanaach beddaahaa Biiniyaami asheenaꞌona tookkii arooch koteꞌi beetinaꞌone.

Woraaferasheenaꞌo 2:2

Ittoshiyoo hini showooch beeti asheenaꞌona tookki wogoon giyaahote; boonoshi deejjee gudoonoo happibote’ iyoye. Tunebaani ittoshi, ta getoon waayeyaano ittoshine. Ebin ittoshi tuniito amoyichiye?

1 Saameeli 15:3

And hamiree Amaleeqeenaꞌon koye; boonoshich beeti mooyo bullin ciroona aalliibe; koninolla echiyaahine; anaamon, maacheen, bushoonaa gaggeroonon wuxibe; wotta boonoshi gattoon, bagoonaa emmishoonon, gaaleenaa kuroonon wuxibe’ itone” iye.