Shoddo 106:23 - Kafa Linguistics Project

²³ Boonoshin aalliyoochee bi kaaro wottemmoyich, bi kaacciti Muusi bi aafooch bi neexeyaan gaata, boonoshin aalliyesho bi tunoon gettiye.

Shoddo 106:23 ပူးပေါင်းရင်းမြစ်များ

Iyoobi 35:8

Ne gonde shuunoo bi iritiyemmo, neenoommi ashooniye; cadiqo ne tuno bi gaaccemmo, ashi yarooniye.

Shoddo 105:26

Bi guuno Muusinaa bi kaacciti Harooninon deejjiye.

Keyo 32:32

Boonoshi axaaxoon ne maaremmoyich neen qollehoye. Ebi tuno qayigaata, ne kobereti macaafoochee ta shigoon hidibe” iye.

Erimiyaasi 5:1

“Dayinnetoona nalliibeeti, ibere mooyonoo qaawiibeeti ashoon, danemmo ittoshi tunegaata, Yerusaalemi gommona okk hach shaꞌebote; xiishi ciinote; bi addibaaboochoo qaawibote; ittoshi danegaata, Yerusaalemin maaremmo taane.

Hiziqeeli 13:5

Doono Yeerichi koyee aabooba manji bi neexemmoyich tiisheti uxerooch hammiꞌi Israꞌeelee macceenaꞌoyich uxeroon uxereyaano ittoshine.

Hiziqeeli 20:8

“ ‘Tunebaani boonoshi taachon waayemmon qajjiichii ta toommooch hukkoon tiijjiyeete. Boonoshi bulliyona oogichii boonoshi shunniibeeti ciigiiti mooyon wokkiyaaneenaꞌone; Gibitsee showeexi shahalleenaꞌonoo qayaaneenaꞌone. Tawoo Gibitsee showooch boonoshi beetaa ta kaaroon kindiiya, ta neboonoo deejjiya gabito taane.

Hiziqeeli 22:30

“Showoon ta aalliyaachemmoyich, uxeroon wochi uxeremmi, tiishetoochaa ta aafooch neexemmi ashoon boonoshi daggooch qaawiyoye; tunebaani daneyaano taane.

Haddoo 16:5

Qoraahinaa bi guuphinaꞌo bullinoyich ishichiye: “Doono Yeeri yaach maaddoona biicho tunetonaa yaafoonon bekkiyemmone; bi waanoo katichemmone; bi kaaccimmi ashoon bi waan bi katinnemmoyich tuniyemmone.

Maatiyoosi 12:18

“ ‘Ebiyoche, taach bi wocheyemmoyich ta kaacceti ta naayo, ta shunnaabeeto, taanoo emirikkito hinine. Ta Ayaanoon bi toommooch kotiyemmo taane; biyoo dayinnetoon Aageteenaꞌoyich gettemmone.

Yowannisi 15:16

Ta ittoshin kaaccehoani ittoshi taan kaacaano ittoshine. Nihoo Yeeri ta shigoona ittoshi qolleto bullin ittoshich bi immemmoyich, hamiree beeyemmi aafoon ittoshi aafemmoyich ittoshin ukkiriito taane.

Yowannisi 15:19

Hini alemeexo ittoshi tuneto gaata, biicho tuneton shunneshone; tunebaani alemee daggoochee ittoshin kaacceto taane; ebich bi magecho toono ittoshine; ebichi naboonane alemo ittoshin bi shixxiibeeto.

Yibbaatoo 10:10

“Tawoo ebiyee aaf ta tuniitoommon, aabbe areddoonaa aabbe xumoonon guudi toommooch yagiyoye. Doono Yeeri arooboo wotta ta qolloon waayeꞌi, ittoshin wuxaanoon qajjiye.

Yibbaatoo 9:19

Doono Yeeri oogichii kaareꞌi ittoshin aalliiya bi itoyich, tawoo bi kaaree shiixxoon shattoye. Tunebaani Doono Yeeri arooboo ta qolloon waayehe.

Yibbaatoo 9:25

“Ebich aabbe areddoonaa aabbe xumoonon Doono Yeeri aafooch baroona showooch guufoye. Ebiyoo Doono Yeeri ittoshin aalliyemmo bi tunoon bi gettitoyichiye.

Yaaqobi 5:16

Ebich ittoshinaa ittoshina ittoshi axaaxoon aannibote; ittoshi biiyoochee ittoshi wodemmoyich ikkoo baroyich corootibe; cadiqe ashi corooto giidechi shuunoon shuunee beetone.