Shoddo 105:8 - Kafa Linguistics Project

⁸ Bi giyiti wogoon bulli yemeenooch, bi gettiti qaaroonoo hume shiijjerooch beddaahaa, batteyaache.

Shoddo 105:8 ပူးပေါင်းရင်းမြစ်များ

Halloo 17:7

Neennaa neyee gubbi ne shiijjereenaꞌonoyich Nuggishoo ta tunemmoyich, neennaa taanna daggooch, gubbi ne shiijjereenaꞌo bullinaa taanna daggoochoo, bulli yemeenee wogoon giyemmo taane.

Halloo 26:3

Giisheche yemeenoon hini showooch kotebe. Ta neenna tookki tunemmo taane; neen diiremmo taane. Hini showoo bullin neennaa ne shiijjereenaꞌonoyich imiree, ne nihoo Abrahamich ta wogeti wogoon ceechemmo taane.

1 Kiinoo 16:15

Bi giyiti wogoon bulli yemeenooch, bi gettiti qaaroonoo hume shiijjerooch beddaahaa, batteyaache.

Nehimi 1:5

Tawoo ishichiyo: “Shimaajji Nuggishoo Doono Yeero, neen shunnii beetinaꞌonaa ne getoon quyee beetinaꞌonoyich ne giyeti wogoon ceechaabeeti, kuxeyaani ne shunoonoo bekkiyaabeeti, oogoonaa shattiitona tuneti Nuggishoocho,

Shoddo 105:42

Ebiyoo bi guuno Abrahamich bi gibenikkiti yaafe gibenoon bi gabitoyichiye.

Shoddo 106:45

Boonoshich bi wogoon gabiye; beshaa beshe bi shoodoommona boonoshin ariqqehe.

Shoddo 111:5

Biin shattii beetinaꞌoyich maayoon immiye; bi giyiti wogoon ciroona batteyaache.

Shoddo 111:9

Bi wodiyoon bi asheenaꞌoyich deejjiye; bi wogoonoo bulli yemeenooch manjiihe; bi shigoo yaafoonaa shattiitonane.

Keyo 2:24

Yeeriyoo gaashilliibee boonoshi cookiti cookoon waayehe; Abrahamich, Yisaaqinaa Yaaqobinoyich bi wogeti wogoon gabiye.

Erimiyaasi 11:5

Ebi tunegaata, ejjoonaa eeyonon xuupphiibeeti showoon, ebiyoo and boonoshi beeti showoon, imoyich boonoshi qaabbechinaꞌoyich ta wogeti wogoon quyemmo taane’ itone gete” iye. Tawoo, “Doono Yeero, ameena” iyo.

Daaneeli 9:4

Ta Nuggishoo Doono Yeer waan no axaaxoon aanniibee corootiyo. Tawoo ishichiyo: “Ta Doonocho, oogoonaa shattiitona tuneti Nuggishoo neene. Neen shunnii, ne getoon ceechii beetinaꞌoyich kuxeyaani ne shunoon bekkiibeeto, ne wogoyichoo gibeneeto neene.

Mikiyaasi 7:20

Wonnee yemeenooch no qaabbechinaꞌoyich wogaꞌa ne gibenikkitoommon, ne gibeneyoonaa kuxeyaani ne shunoonon Abrahaminaa Yaaqobinochi shiijjeroo tuneti nooch bekkiibeeto neene.

Yibbaatoo 7:12

Muusiyoo daakkiꞌi ishichiye: “Ebi geteenaꞌon ellaa waayaꞌa ceechaa ne quyegaata, ne Nuggishoo Doono Yeeri ne qaabbechinaꞌoyich bi gibenikkitoommon, bi wogoon kuxaanoon neechoo tuniyemmone; kuxeyaani bi shunoonoo bekkiyemmone.

Yibbaatoo 7:8

Tunebaani Doono Yeeri ittoshin bi shunnitoyich, wotta ittoshi qaabbechinaꞌoyich bi giyiti wogoon quyee bi beetoyich, Gibitsee showeexi guuchittinoochee, Gibitsee taatoo kishoocheenoo kupphe bi kishoona ittoshin biisheꞌi kichiye.

Yibbaatoo 7:9

Ebich ne Nuggishoo Doono Yeeri baach Nuggishoo bi tunoon, gibeneeti Nuggishoo bi tunoonoo batteyaahine. Biin shunnii beetinaꞌonaa bi getoon quyee beetinaꞌonoyich hume shiijjerooch beddaahaa, bi wogoon ceechemmone; kuxeyaani bi shunoonoo bekkiyemmone.

Yaasi 21:43

Ebina Doono Yeeri qaabbechi boonoshi niheenaꞌoyich imma bi wogeti showoo bullin Israꞌeeleenaꞌoyich immiye; boonoshiyoo ebi showoon hajjiꞌi, boonoshi beeyi xaaꞌoon tuniiheete.