Shoddo 104:30 - Kafa Linguistics Project

³⁰ Ne Ayaanoon ne deejjaa halleeheete; showoyichoo andire kashoon immehine.

Shoddo 104:30 ပူးပေါင်းရင်းမြစ်များ

Iyoobi 12:10

Kashecho bullichi kasho, asho bullichi kashee hiinno, bi kishoochiye.

Iyoobi 26:13

Yeeri bi kashoon kachiꞌi gumoon xalliihe; qingireebee awureebeeti dingeroon bi kishoona kochiye.

Iyoobi 33:4

Taan hallito Yeerichi Ayaanoone; kashoon taach immito Beshe Hakkechi Yeeri kachiti kashoone.

Shoddo 33:6

Shimaayeenaꞌo Doono Yeerichi qaaroona halleeheete; shimaajji halleenaꞌo bulli bi noonoochee kechiti qaaroona halleeheete.

Isiyaasi 65:17

Doono Yeeri ishichiye: “Ebiyoche, andire showoonaa andire shimaayoonon hallemmo taane; ebiyee aafi mooyinaꞌo gabeyaachemminaꞌone; shalligeyaachemminaꞌone.

Isiyaasi 66:22

“Ta hallemmi andire showoonaa andire shimaayoona ta aafooch manjiree beeyemmo bi tunoommon, ittoshi yaroonaa ittoshi shigoona manjiree beeyemmone.

Hiziqeeli 37:5

Nuggishoo Doono Yeeri ebi shaawusheenaꞌoyich ishichii beetone: Ittoshi kashooch kashee hiinnoon ta giijjaa, wochinnoon kashoona beeyemmo ittoshine.

Hiziqeeli 37:6

Maqqoonaa meenonon ittoshich imiree achee gooqqoona qeremmo taane; ittoshi kashooch kashee hiinnoon giijjemmo taane; kashoonoo beeyemmo ittoshine; ta, Doono Yeeri ta tunoon ariyemmo ittoshine’ gete” iye.

Hiziqeeli 37:9

Aroochee Yeeri taach ishichiye: “Ashi bushoocho, keemoon keembe; yongoyich keemoon keembe: ‘Nuggishoo Doono Yeeri ishichiye: Yongoocho, awudde kaattoochee wobe; ebi dubeneenaꞌo kashoona beeyemmoyich, eboshi toommooch yongebe’ gete” iye.

Efesooni 2:1

Ebiyee aaf ittoshi xuꞌoonaa ittoshi axaaxee naboona qititon tuneꞌi beehote.

Titoosi 3:5

noon bi wodiito bi maaree beshoonalli, no shuuneti cadiqee shuunoona toonoone; noon bi wodiito guttinnee shiijjoon no daneti machoonaa Yaafe Ayaanee andiriyoonane.

Yaaꞌoo 21:5

Taatee qeenooch koteti Yeeri “Ebiyoche, bulli mooyon andiriyemmo taane” iye. Daakkiꞌinoo taach “Ebi qaaro gibeneetonaa iberoona bi tunetoyich kooribe” iye.