Shoddo 104:15 - Kafa Linguistics Project

¹⁵ Ashi mulloon emirikkiibeeti woyinoon, achoon pherphelliibeeti huutoon, kupphiibeeti maayoon qanniihe.

Shoddo 104:15 ပူးပေါင်းရင်းမြစ်များ

Halloo 18:5

Ittoshi guuno ta waan waato ittoshine. Ebich ittoshin bi kupphiyemmoyich, giisheche maayoon ta deebaa mamote. Aroyee gubb hammemmo ittoshine” iye. Boonoshiyoo “Gaawiye; ne gettetoommon tuniibe” iyeete.

2 Saameeli 13:28

Biyoo bi aafee bushiisheenaꞌoyich ishichiye: “Aminooni woyinee uyoon uchii michiꞌi, bi ashittino qeecon manjii ciinote; tawoo ‘Aminoonin wuxibote’ ta getigaata, wuxibote. Ebin ittoshi tuniyemmoyich getteto ta tunetoyich, shattaahote; maac kuxo tunebote; kupphebote” iye.

Shoddo 105:16

Showee toommooch shaacoon deebiye; boonoshi maayo bullin aalliihe.

Shoddo 23:5

Ta etteenaꞌo aafoochaa taach madoon qanniihine; ta qellooch zayitoon huuttehine; ta xoofoo ceennii aphirehe.

Shoddo 92:10

Tunebaani ne, ta giidoon gaahoochoommon kupphiito neene; gaawe zayitoon ta toommooch ukkihine.

Shaahiyoo 31:6

Qitiya ii beetinaꞌoyich kashi uyoon imbote; bi kasho caammetoyich woyinee uyoon imbote.

Shaahiyoo 31:7

Uyiree boonoshi giroon battebeete; boonoshi qaaqqoon shalligaayeete.

Dojjecho 10:19

Gifiroo asho miiccemmoyich tuniihe; woyinee uyoo ashoon emirikkiye. Gijjoo beegaata bulli mooyo beetone.

Dojjecho 8:1

Shalligechi ashoon shaahoo hakkemmo konine? Moochi biishoon ariyemmo konine? Shalligoo ashi aafoon biriihe; ippoon are ashi aafoochee bajjiye.

Dojjecho 9:7

Ebich and illa, ne maayoon emiroona mame; ne woyinee uyoonoo emiroona uye; ebiyoo Yeeri ne tuniyemmoyich bi qaawiti mooyone.

Isiyaasi 3:1

Ebiyoche, Doono, Beshe Mawe Doono Yeeri, asheenaꞌochi degoonaa gaachoonon, maayi dego bullinaa aachi dego bullinon Yerusaaleminaa Yihudinoochee aalliyemmone.

Isiyaasi 55:10

Amiyonaa baderoona shimaayoochee dihiꞌi, showoon shuxiyoona maayo aafemmoyich bi tuniyoommon, wotta shookkechoyich yaroon, maa beetoyich maayoon imaanoon, shimaayooch wotteyaano bi tunoommon,

Erimiyaasi 31:12

Waaree Tsiyooni guudoochaa emiroona shoddemminaꞌone; Doono Yeerichi deꞌittinoona, maayoon, woyinee uyoonaa zayitoonon, emmishoonaa bagee baaddoonon, bariyoonaa gidereenon daneree emiremminaꞌone. Bedditi aacon daneti bechee budiyoommon tunemminaꞌone; ebiyee bekk ayinaachemminaꞌone.

Hiziqeeli 14:13

“Ashi bushoocho, ikke showee asheenaꞌo taach gibeneyaache ii axaaxoon boonoshi shuunetaa, tawoo ta mochoon boonoshi toommooch tiijjaꞌa boonoshi maayi woretoon ta kuxigaata, shaacoon deebaa ashoonaa gijjoonon ta wuxigaata,

Hiziqeeli 4:16

Daakkiꞌinoo taach ishichiye: “Ashi bushoocho, Yerusaalemichi maayi woretoon kuxxemmo taane; asheenaꞌoo koshon machoona qocaa shatona maayemminaꞌone; aaconoo qeelletaa xuuxoona uchemminaꞌone.

Hiziqeeli 5:16

Wuxii aalliyechi shaacee shangoon ittoshi toommooch deejjiree, ittoshin aalliyemmo taane; shaacoon ittoshi toommooch wochi wochi deebemmo taane; ittoshi maayi woretoon kuxxemmo taane.

Leweenaꞌo 26:26

Maayoon ittoshi danemmi gommon ta kuxxetoyee gubb, aashire genneenaꞌo ikke midaadooch koshon kachiyemminaꞌone. Ebi aroon ittoshich tiishi boonoshi qoodaa maayemmo ittoshine; tunebaani miyaachemmo ittoshine.

Zakaariyaasi 10:7

Efreemeenaꞌo kupphe ginee anaamoommon tunemminaꞌone. Woyinee uyoon uchiti asho emiroommon emiremminaꞌone. Boonoshi bushiisheenaꞌo ebin beegiree emiremminaꞌone. Boonoshi mullo Doono Yeerina emiremmone.

Maariqoosi 14:23

Wotta woyinee uyo yechiti xoofoon tiijjii Yeerin galleteꞌi boonoshich immiye. Boonoshi bulliyoo are xoofoochee uchiyeete.

Luqaasi 7:46

Zayitoon ta qellooch ne huutaano neene; tunebaani hini ure ta baatooch shittoon ukkitine.

Efesooni 5:18

Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.

Yibbaatoo 28:40

Ne showoo bulliich zayitee mixo collemmone; tunebaani ebi zayitee michi aafo shekiree bi ciiretaa, ne achooch ne huutemmon muccemmo neene.

Yibbaatoo 8:3

Asho Doono Yeerichi noonoochee kechiibeeti mooyo bullinalli kosho ikkeetona baach kashoona beetaachemmo bi tunoon neech arichiyoyich, neen shaaciyoona biich deꞌa ne gettemmoyich tuniihe; newoo tuneb ne qaabbechinaꞌo maa ariyaani mannoon neech maanjiye.

Hibireena'o 1:9

Cadiqoon shunnehine; hukkoon shixxehine; ebich Yeeri ne Nuggishoo, ne nuucheenaꞌoyee ne beshemmoyich, neen oogiiꞌi emiree zayitoona huuttiye” iye.

1 Yowannisi 2:20

Tunetaa ittoshi Yaafoo waanee huutoon deqqito ittoshine; ebich ittoshi bulli iberoon ariibeeto ittoshine.

Woraaferasheenaꞌo 19:5

Awuddinnee qemooba maaddiꞌi tiyiyeete. Uroo hamma qanniye. Tunebaani busheechi nihoo bi bushee kenoon “Shaafiroon shaaci kuppheree, hammemmo neene” iye.

Woraaferasheenaꞌo 9:13

“Woyinee qomboo wochiꞌi, ‘Nuggisheenaꞌonaa asheenaꞌonon emirikkiibeeti woyinee uyoon imon qayiichi, mixinaꞌo toommooch yaaddeya hambote?’ iye.

Woraaferasheenaꞌo 9:9

“Tunebaani zayitee mixo wochiꞌi, ‘Nuggisheenaꞌonaa asheenaꞌonon oogiibeeti zayitoon imon qayiichi, mixinaꞌo toommooch yaaddeya hambote?’ iye.