Shoddo 103:20 - Kafa Linguistics Project

²⁰ Bi qaaroonoo ceechiibeeti, bi gettii beeton waayaabeeti, hakkechi maraakeenaꞌote, Doono Yeerin diiribote.

Shoddo 103:20 ပူးပေါင်းရင်းမြစ်များ

2 Taateenaꞌo 19:35

Aroobee xum Doono Yeerichi maraakoo Asooreenaꞌo kaambooch kechiꞌi, balli shinnaa uuche hume asheenaꞌon wuxiye. Haree maaddoona asho tiyaahaa, eboshi bullichi dubeno qeyiꞌi beehe.

Shoddo 148:2

Bi maraakeenaꞌote, ittoshi bulli biin galletebote; shimaajji ginee naayinaꞌote, biin galletebote.

Shoddo 148:5

Bi getoona boonoshi halleetoyich, Doono Yeerichi shigoon galletebeete.

Shoddo 29:1

Shimaajji halleenaꞌote, Doono Yeerin galletebote; bi oogoonaa giidoonoyich Doono Yeerin galletebote.

Shoddo 78:25

Asho maraakeenaꞌochi koshon maahe; beshii echeti maayoon boonoshich deejjiye.

Isiyaasi 6:2

Surafeeleenaꞌoo biyee tookk neexetinaꞌone; boonoshi ikkikkoyich shiritti shiritte qoshoo beetone. Gutte qoshoona boonoshi aafoon qerii beeheete; gutte qoshoona boonoshi baatoon qerii beeheete; gutte qoshoonoo yoobbii beeheete.

Daaneeli 11:1

“Ta, ta qelloona biin gaachaꞌa kupphiito taane. Ebi bi tuneto, Meedee asho Daariyoosi taateti ikkinnee natoobane.

Yoꞌeeli 2:11

Bi ginee naayinaꞌo aafoochaa, Doono Yeeri gigeebee, bi qaaroon waayiihe; bi ginee naayo mattiquttoone; ebi bi getoon ceechii beetinaꞌo giidechinaꞌone. Doono Yeerichi aabo oogeton shattii giiriitone; ebi aaboochee wodemmo konine?

Maatiyoosi 26:53

Ebiyoommo gaata, ta Nihoon qollo taan mawemmo neech shaahii beete? Ta qolletaa, bekkech aaraa gutte Legiyoonee maraakeenaꞌoyee beshoon taach deejjeshone.

Maatiyoosi 6:10

Ne taatittino bulli toommooch bede; shimaayooch beetinaꞌo ne getoon boonoshi waayoommon, ebiyoommon showooch beetinaꞌo waayebeete.

Luqaasi 1:19

Maraakoo wochiꞌi, “Ta Yeeri aafooch neexaabeeti Gabreeli taane; neech ta gettemmoyich, hini mishiraachoonoo neech ta bechemmoyich Yeeri taan ne waan wochetone.

Hibireena'o 1:14

Maraakeenaꞌo bulliyoo Yeeri wodiyemmi asheenaꞌon boonoshi gaachemmoyich wochee beetinaꞌo, Yeerichoo maddeebeeti ayaaneenaꞌo tooneenaꞌone?