Shoddo 102:20 - Kafa Linguistics Project

²⁰ Ebiyoo, qoppeenaꞌochi gaashiron waayoyich, qitooch nalleetinaꞌon biichii gawukkoyichiye.

Shoddo 102:20 ပူးပေါင်းရင်းမြစ်များ

2 Taateenaꞌo 13:4

Ebich Yoꞌakaazi Doono Yeerin qollehe. Doono Yeeriyoo Sooriyee taatoo Israꞌeeleenaꞌon neexxii hajjoon bi beeggitoyich, bi qolloon waayehe.

Iyoobi 24:12

Katemee daggoochaa qitiya ii beetinaꞌo, koqqii beetinaꞌone; mayeti asheenaꞌo Yeeri boonoshin gaachemmoyich cookii beetinaꞌone; tunebaani Yeeri ebi mooyon cikkii qajjitone.

Shoddo 146:7

Xukketinaꞌoyich nalliibeeto, shaacetinaꞌoyichoo maayoon immiibeeto, biine. Doono Yeeri qoppeenaꞌon biichiye.

Shoddo 79:11

Qoppeenaꞌochi gaashiro ne aafooch bede; boonoshi toommooch qitoo nalleetinaꞌon kupphe ne mochoona wodiibe.

Keyo 3:7

Aroochee Doono Yeeri ishichiye: “Gibits beeti ta asheenaꞌochi xuuxoon beeggeto taane; boonoshin shuuniibeeti ukkireenaꞌo maacee manjoochee tiyitona, boonoshi cookiibeeti cookoon waayeto taane. Boonoshi xuuxoonoo digeneto taane.

Isiyaasi 14:17

showoon barahoo tuniiti, katemeenaꞌon happiti, qoppeenaꞌonoo boonoshi kexooch wochaani uro hinine?’ gettemminaꞌone.

Yibbaatoo 26:15

Yaafoo tuneti ne kote xaaꞌoochaa, shimaayoochaa ciine. Ne asheenaꞌo tuneti Israꞌeeleenaꞌon diiribe; no qaabbechinaꞌoyich wogaꞌa ne gibenikkitoommon nooch ne immeti hini ejjoonaa eeyona xuupphiibeeti showoonoo diiribe’ gete” iye.